പ്രളയത്തിലകപെട്ടു ദുരിതമനുഭവിക്കുന്ന കേരള ജനതയ്ക്കു തെല്ലൊരാശ്വാസമായി തുടങ്ങിയ ഫൊക്കാനയുടെ സ്വപ്ന പദ്ധതിയായ ഭവനം പദ്ധതിക്കു സഹായ ഹസ്തവുമായി കൂടുതൽ ഫൊക്കാന നേതാക്കൾ മുന്നോട്ട്. മുൻ ഫൊക്കന പ്രസിഡന്റുമാർ ആയിരുന്ന ജി.കെ. പിള്ള, ജോൺ പി ജോൺ, കാനഡ റീജണൽ വൈസ് പ്രസിഡന്റ് ബൈജു പകലോമറ്റം, ന്യൂ യോർക്കിൽ നിന്നുള്ള മുൻ റീജണൽ സെക്രട്ടറി മേരികുട്ടി മൈക്കൾ എന്നിവരാണ് ഓരോ വീടു വീതം നിർമ്മിക്കാനുള്ള തുക നൽകി മാതൃകയായത്. ഇപ്പോൾ നിരധി പേർ സഹായ ഹസ്തവുമായി മുന്നോട്ടുവന്നതായി പദ്ധതിയുടെ കോർഡിനേറ്റർ കൂടിയായ സജിമോൻ ആന്റണി പറഞ്ഞു.
കഴിഞ്ഞ മഹാപ്രളയത്തില് വീടുകൾ നഷ്ട്ടപ്പെട്ട കേരളത്തിലെ 100 തോട്ടം തൊഴിലാളികൾക്ക് വീടുകൾ നിർമിച്ച് നല്കുന്ന പദ്ധതിയാണ് ഫൊക്കാന ഭവനം പദ്ധതി. ജനുവരിയിൽ തിരുവനന്തപുരത്തു നടന്ന ഫൊക്കാന കേരള കൺവെൻഷനിൽ വച്ച് ഈ പദ്ധതിയുടെ ഉദ്ഘാടനം നിർവഹിച്ചിരുന്നു. ഈ വരുന്ന ജനുവരിയിൽ കുറച്ചു വീടുകൾ പണിതീർത്തു നൽകാൻ കഴിയുന്നതയിൽ അതിയായ സന്തോഷം ഉണ്ടെന്ന് ഫൊക്കാന പ്രസിഡന്റ് മാധവൻ ബി നായർ അറിയിച്ചു.
ഫൊക്കാന ഭവനം പദ്ധതിയിലേക്ക് സഹായ ഹസ്തവുമായി ഇവരെല്ലാം എത്തിയത് സഹാനുഭൂതി ഒന്ന് കൊണ്ട് മാത്രമാണ്. എല്ലാം നഷടപ്പെട്ടവര്ക്ക് ഒരു വീട് ദാനമായി ലഭിക്കുകയെന്നത് ആ കുടുംബത്തിനു സ്വർഗ്ഗം കിട്ടുന്നതിന് തുല്യമാണ്. അർഹതപ്പെട്ടവർക്ക് സഹായമെത്തിക്കുക എന്നത് ഫൊക്കാനയുടെ എക്കാലത്തെയും ലക്ഷ്യമാണെന്നു സെക്രട്ടറി ടോമി കോക്കാട്ട് അഭിപ്രായപ്പെട്ടു.
രണ്ടു മുറി, ഹാള്, അടുക്കള, ഒരു ബാത്ത് റൂം എന്നീ സൗകര്യങ്ങളുള്ള വീടാണ് ഭവനം പദ്ധതി പ്രകാരം കേരളത്തിലെ വിവിധ ഭാഗങ്ങളിലുള്ള തോട്ടം തൊഴിലാളികള്ക്ക് നിര്മ്മിച്ചു നല്കുന്നത്. ഈ പദ്ധതിയിലേക്ക് സഹകരിക്കുന്നവര് നല്കേണ്ടത് 1100 ഡോളര് ആണ്. ബാക്കി തുക ഫൊക്കാന ഭവനം പദ്ധതി കേരള സര്ക്കാരിന്റെ ഭവനം ഫൗണ്ടേഷനുമായി സഹകരിച്ചു ക്രമീകരിക്കും.
സഹായ ഹസ്തവുമായി വന്ന എല്ലാവരോടുമുള്ള ഫൊക്കാനയുടെ പ്രത്യേകമായ നന്ദി പ്രസിഡന്റ് മാധവന് ബി നായര്, സെക്രട്ടറി ടോമി കോക്കാട്ട് , ട്രഷറര് സജിമോന് ആന്റണി എന്നിവര് അറിയിച്ചു
ജി. കെ. പിള്ള ഫൊക്കാനയുടെ ആദ്യകാലം മുതലുള്ള പ്രവർത്തകനാണ് . മുൻ ഫൊക്കാന പ്രസിഡന്റ് ട്രസ്റ്റി ബോർഡ് മെംബെർ എന്ന നിലയിലും പ്രവർത്തിച്ചിട്ടുണ്ട്. ഫൊക്കാന ഹ്യൂസ്റ്റൺ കൺവെൻഷൻ വിജയമാക്കിയത് അദ്ദേഹമാണ്. അമേരിക്കയിലെ പല സ്റ്റേജ് ഷോകളുടെയും നിർമ്മാതാവായിട്ടുള്ള അദ്ദേഹം നല്ല ഒരു മനുഷ്യ സ്നേഹിയാണ്. അമേരിക്കയുടെ സാമൂഹ്യ സാംസ്കാരിക രംഗത്തും ചാരിറ്റി പ്രവർത്ത രംഗത്തും അദ്ദേഹം സജീവമാണ്.
ജോൺ.പി ജോൺ ഫൊക്കാനയുടെ മുൻ പ്രസിഡന്റ് ആയും ഇപ്പോഴത്തെ ട്രസ്റ്റീ ബോർഡ് മെംബെർ ആയും പ്രവർത്തിക്കുന്നു. കാനഡയിൽ നടന്ന ഫൊക്കാന കൺവെൻഷൻ ഒരു ചരിത്ര സംഭവം ആക്കിയത് ജോൺ പി ജോൺ പ്രസിഡന്റ് ആയി ഇരുന്ന സമയത്താണ്. കാനഡയുടെ സമൂഹ്യ സാംസ്കാരിക ജീവകാരുണ്യ പ്രവര്ത്തനങ്ങളിൽ മുന്നിൽ നിൽക്കുന്ന ജോൺ പി പല സാംസ്കാരിക അവാർഡുകളും നേടിയിട്ടുണ്ട്.
ബൈജു പകലോമറ്റം ഫൊക്കാനയുടെ കാനഡ റീജണൽ വൈസ് പ്രസിഡന്റ് ആണ്. കാനഡ മലയാളികളുടെ ഇടയിൽ ഏറെ പ്രിയങ്കരനും മികച്ച സംഘടകനുമാണ ബൈജു. കാനഡയിലെ ഫൊക്കാന പ്രവർത്തങ്ങളിലും ചാരിറ്റി പ്രവർത്തനങ്ങളിലും എപ്പോഴും മുൻനിരയിൽ തന്നെയുണ്ട്. കാനഡയിൽ നിന്നും കൂടുതൽ ആളുകൾ ഈ ചാരിറ്റിയുടെ ഭാഗം ആകുമെന്ന് ബൈജു അറിയിച്ചു.
മേരികുട്ടി മൈക്കൾ ഫൊക്കാനയുടെ മുൻ ന്യൂയോർക്ക് റീജണൽ സെക്രട്ടറിയും ഒരു സജീവ പ്രവർത്തകയും ആണ്. കല സാംസ്കാരിക രംഗങ്ങളിൽ നിറഞ്ഞു നിൽക്കുന്ന മേരി നല്ല ഒരു ഗായിക കൂടിയാണ്.വളരെ അധികം കുട്ടികളെ സംഗിതം പഠിപ്പിക്കുകയും ചെയുന്നു. നല്ല ഒരു ആങ്കർ കൂടിയാണ് മേരിക്കുട്ടി മൈക്കൾ.
സ്പോണ്സര്ഷിപ്പിനു താത്പര്യമുള്ളവര് ബന്ധപ്പെടുക: ഇ മെയില്: [email protected]
ജന്മഭൂമി ഓണ്ലൈന്