ആരാധകരെ കൗതുകത്തിലാഴ്‌ത്തി സാന്റാക്ലോസായി ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കോഹ്‌ലി. കൊല്‍ക്കത്തയിലെ ഒരു ഷെല്‍ട്ടര്‍ ഹോമിലേക്ക് നടത്തിയ സര്‍പ്രൈസ് സന്ദര്‍ശനത്തിലാണ് താരം സാന്റാക്ലോസ് വേഷമണിഞ്ഞത്. സാന്റാക്ലോസായി കുട്ടികള്‍ക്കിടയില്‍ സമ്മാനങ്ങള്‍ വിതരണം ചെയ്യുന്ന കോഹ്‌ലിയുടെ വീഡിയോ സോഷ്യല്‍ മീഡിയയില്‍ വൈറലാണ്.
സ്റ്റാര്‍ സ്‌പോര്‍ട്‌സ് പുറത്തിറക്കിയ വീഡിയോയിലാണ് സാന്റാക്ലോസ് വേഷമാണിഞ്ഞ കോഹ്‌ലി കുട്ടികളുമായി സംവദിക്കുന്നതും സമ്മാനങ്ങള്‍ വിതരണം ചെയ്യുന്നതും കാണാം. കുട്ടികളുമായി സംസാരിക്കുകയായിരുന്ന അദേഹം വിരാട് കോഹ്‌ലിയെ കാണാന്‍ ആഗ്രഹിക്കുന്നുവൊ എന്ന് ചോദിക്കുകയായിരുന്നു. കുട്ടിക്കള്‍ അനുകൂലമായി ഉത്തരം നല്‍കിയപ്പോള്‍ താന്‍ ധരിച്ചിരുന്ന വ്യാജ താടിയും സാന്റാ തൊപ്പിയും അഴിച്ചുമാറ്റി സ്വരൂപം കുട്ടികളെ കാണിച്ചു.
Watch @imVKohli dress up as ???? and bring a little Christmas cheer to the kids who cheer our sportspersons on, all year long!
This joyful season, let’s remember to spread the love. pic.twitter.com/VF8ltmDZPm
— Star Sports (@StarSportsIndia) December 20, 2019
കുട്ടികളുടെ മുഖത്ത് ആ സമയത്തു വിരിഞ്ഞ വ്യത്യസ്ത ഭാവങ്ങളും വീഡിയോയില്‍ കാണാം. ഈ നിമിഷം എന്നിക്ക് വളരെ വിലപ്പെട്ടതാണ്. നമ്മുടെ കായിക താരങ്ങളെ വര്‍ഷത്തിലുടനീളം പ്രോത്സാഹിപ്പിക്കുന്ന ഈ കുട്ടികള്‍ക്ക് സന്തോഷം പകാരന്‍ പറ്റിയതില്‍ വളരെ സന്തോഷമുണ്ടെന്നും വിരാട് കോഹ്‌ലി വീഡിയോയില്‍ പറഞ്ഞു. ഏവര്‍ക്കും ക്രിസ്മസ് പുതുവത്സരാശംസകളും താരം നേര്‍ന്നു.
