മുംബൈ: വിന്‍ഡീസിനെതിരായ ഏകദിന പരമ്പരയിലും ശിഖര്‍ ധവാന് കളിക്കുന്നില്ല. സയ്യിദ് മുഷ്താഖ് അലി ട്രോഫിക്കിടെ ഇടംകാല്‍മുട്ടിന് പരിക്കേറ്റതാണ് ധവാന് തിരിച്ചടിയായത്. വിന്‍ഡീസിനെതിരായ ടി20 പരമ്പരയില്‍ ധവാന് പകരം സഞ്ജു സാംസണിനെ ഉള്‍പ്പെടുത്തിയിരുന്നെങ്കിലും കളിക്കാന്‍ അവസരം നല്‍കിയിരുന്നില്ല.
ഇപ്പോള്‍ ധവാന് പകരം മായങ്ക് അഗര്‍വാളിനെയാണ് ടീമിലുള്‍പ്പെടുത്തിയിരിക്കുന്നത്. ഇപ്പോള്‍ രഞ്ജി ട്രോഫിയില്‍ തമിഴ്‌നാടിനെതിരെ കളിച്ചുകൊണ്ടിരിക്കുന്ന മായങ്ക് ചെന്നൈയിലെ ആദ്യ ഏകദിനത്തിന് മുന്‍പ് ഇന്ത്യന്‍ ടീമിനൊപ്പം ചേരും. പരിക്കില്‍ നിന്ന് മോചിതനാവാന്‍ ധവാന് കൂടുതല്‍ സമയം വേണമെന്നാണ് ബിസിസിഐ മെഡിക്കല്‍ സംഘത്തിന്റെ നിഗമനം.
