റോബിന്‍ ഉത്തപ്പയ്‌ക്ക് സെഞ്ചുറി

തുമ്പ: മധ്യനിരബാറ്റ്‌സ്മാന്‍ റോബിന്‍ ഉത്തപ്പയുടെ സെഞ്ചുറിയില്‍ കേരളം മികച്ച സ്‌കോറിലേക്ക്. ദല്‍ഹിക്കെതിരായ രഞ്്ജി ട്രോഫി മത്സരത്തിന്റെ ആദ്യ ദിനത്തില്‍ കേരളം മൂന്ന് വിക്കറ്റ് നഷ്ടത്തില്‍ 276 റണ്‍സ് എടുത്തു.

ഉത്തപ്പ221 പന്തില്‍ 102 റണ്‍സ് നേടി. ഏഴു ഫോറും മൂന്ന് സിക്‌സറും ഉള്‍പ്പെട്ട ഇന്നിങ്ങ്‌സ്. ഓപ്പണര്‍ പി. രാഹുലും മിന്നിത്തിളങ്ങി. മൂന്ന് റണ്‍സിനാണ് സെഞ്ചുറി നഷ്ടമായത്. 174 പന്തില്‍ പതിനൊന്ന് ഫോറും രണ്ട് സിക്‌സറും അടക്കം 97 റണ്‍സ് കുറിച്ചു.

ടോസ് നേടി ബാറ്റിങ് തെരഞ്ഞെടുത്ത കേരളത്തിന് രാഹുലും ജലജ് സക്‌സേനയും ചേര്‍ന്ന് മികച്ച തുടക്കം സമ്മാനിച്ചു. ആദ്യ വിക്കറ്റില്‍ ഇവര്‍ 68 റണ്‍്‌സ് നേടി. ജലജ് സക്‌സേന 32 റണ്‍സുമായി മടങ്ങി. തേജസ് ബറോക്കയ്‌ക്കാണ് വിക്കറ്റ്.

മൂന്നാമനായി ഉത്തപ്പയെത്തിയതോടെ കേരളത്തിന്റെ സ്‌കോര്‍ ഉയര്‍ന്നു. രണ്ടാം വിക്കറ്റില്‍ രാഹുലിനൊപ്പം ഉത്തപ്പ 118 റണ്‍സ് കൂട്ടിച്ചേര്‍ത്തു. സെഞ്ചുറിയിലേക്ക് നീങ്ങിയ രാഹുലിനെ വീഴ്‌ത്തി വികാസ് മിശ്രയാണ് ഈ കൂട്ടുകെട്ട് പൊളിച്ചത്. തുടര്‍ന്നെത്തിയ നായകന്‍ സച്ചിന്‍ ബേബിയുമൊത്ത് ഉത്തപ്പ മൂന്നാം വിക്കറ്റില്‍ 90 റണ്‍സ്് കൂട്ടിച്ചേര്‍ത്തു. ഒടുവില്‍ ഉത്തപ്പ സങ്‌വാന്റെ പന്തില്‍ പുറത്തായി. ക്യാപ്റ്റന്‍ സച്ചിന്‍ ബേബി 36 റണ്‍സുമായി പുറത്താകാതെ നില്‍ക്കുകയാണ്്. ദല്‍ഹിക്കായി വികാസ് മിശ്ര, തേജസ് ബറോക്ക, സങ്‌വാന്‍ എന്നിവര്‍ ഓരോ വിക്കറ്റ വീഴ്‌ത്തി.

സ്‌കോര്‍ബോര്‍ഡ്

പി.രാഹുല്‍ എല്‍ബിഡബ്‌ളിയു ബി വികാസ് മിശ്ര 97, ജലജ് സക്‌സേന സി ലളിത് യാദവ് ബി തേജസ് ബറോക്ക 32, റോബിന്‍ ഉത്തപ്പ സി ലളിത് യാദവ് ബി സങ്‌വാന്‍ 102, സച്ചിന്‍ ബേബി നോട്ടൗട്ട് 36, എക്‌സ്ട്രാസ് 9 ആകെ മൂന്ന് വിക്കറ്റിന് 276.

വിക്കറ്റ വീഴ്ച: 1-68, 2-186, 3-276.

ബൗളിങ്: സങ്‌വാന്‍ 9.1-2-31-1, സെയ്‌നി 13-2-48-0, വികാസ് മിശ്ര 19-4-45-1, ശിവം ശര്‍മ 17-2-65-0, തേജസ് ബറോക്ക 19-0-62-1, എന്‍.റാണ 3-1-3-0, ലളിത് യാദവ് 9-0-17-0.