പയ്യന്നൂര്: മുഖ്യമന്ത്രി പിണറായി വിജയന്റെ വിദേശയാത്രകളെ പരിഹസിച്ച് സംസ്ഥാന മന്ത്രി തന്നെ രംഗത്ത്. മന്ത്രി രാജുവാണ് മുഖ്യമന്ത്രിയെ കളിയാക്കി പ്രസ്താവന നടത്തിയത്.
ആഴ്ചയില് അഞ്ച് ദിവസം തിരുവനന്തപുരത്ത് ഉണ്ടാകണമെന്ന് ഉത്തരവിട്ട മുഖ്യമന്ത്രി തന്നെ വിദേശയാത്ര പോയതിനാല് മന്ത്രിമാര് കേരളം ചുറ്റുകയാണെന്നായിരുന്നു മന്ത്രി കെ. രാജുവിന്റെ പരിഹാസം. നേരത്തെ മുഖ്യമന്ത്രിയുടെ ഉത്തരവ് കാരണം തിരുവനന്തപുരം വിട്ടുപോകാന് പ്രയാസമായിരുന്നു. ഇപ്പോള് ഹെഡ്മാസ്റ്റര് സ്ഥലത്തില്ല. അതുകൊണ്ട് സംസ്ഥാനമാകെ മാസ്റ്റര്മാരായ ഞങ്ങള് ചുറ്റി സഞ്ചരിക്കുകയാണെന്ന് മന്ത്രി പറഞ്ഞു. വെള്ളൂര് ക്ഷീരോദ്പാതക സഹകരണ സംഘത്തിന്റെ ക്ഷേമ പദ്ധതികളുടെ ഉദ്ഘാടനം നിര്വഹിക്കവേയാണ് ഇത്തരത്തില് പ്രസ്താവന നടത്തിയത്.
എല്ഡിഎഫ് സര്ക്കാര് അധികാരമേറ്റെടുത്ത ശേഷം മന്ത്രിമാരുടെ യാത്രകള്ക്ക് മുഖ്യമന്ത്രി നിയന്ത്രണമേര്പ്പെടുത്തിയിരുന്നു. പ്രവൃത്തി ദിവസങ്ങളില് മന്ത്രിമാര് ഓഫീസില് ഉണ്ടായിരിക്കണമെന്നും മറ്റ് ദിവസങ്ങളില് മാത്രം മറ്റ് ചടങ്ങുകള്ക്ക് പോയാല് മതിയെന്നുമായിരുന്നു മുഖ്യമന്ത്രിയുടെ ഉത്തരവ്. എന്നാല് ആ മുഖ്യമന്ത്രി തന്നെ പ്രവര്ത്തി ദിനങ്ങളില് വിദേശ പര്യടനം നടത്തുകയാണ്. മുഖ്യമന്ത്രി പിണറായി വിജയന്, വ്യവസായ മന്ത്രി ഇ.പി. ജയരാജന്, ഗതാഗത മന്ത്രി എ.കെ. ശശീന്ദ്രന്, ചീഫ് സെക്രട്ടറിയും ഇവര്ക്കൊപ്പം വിദേശള പര്യടനം നടത്തുന്നുണ്ട്. കഴിഞ്ഞയാഴ്ച്ചയാണ് മുഖ്യമന്ത്രിയുടെ സംഘം ജപ്പാന്- കൊറിയ എന്നിവിടങ്ങളിലേക്ക് യാത്ര തിരിച്ചത്.
