ന്യൂദല്ഹി : ഇന്ത്യയുമായി സുഹൃദ്ബന്ധം സ്ഥാപിക്കണമെങ്കില് ദാവൂദ് ഇബ്രാഹിം, ഹാഫിസ് സയീദ് തുടങ്ങിയ ഭീകരരെ ഇന്ത്യയ്ക്ക് കൈ മാറാന് പാക്കിസ്ഥാന് തയ്യാറാകണമെന്ന് വിദേശകാര്യ മന്ത്രി എസ്. ജയശങ്കര്. ഭീകരരെ വികസിപ്പിച്ചെടുത്ത് ഇന്ത്യയിലേക്ക് കയറ്റി അയയ്ക്കുകയുമാണ് അവര് ഇപ്പോള് ചെയ്തു വരുന്നതെന്നും അദ്ദേഹം പറഞ്ഞു. ദേശീയ മാധ്യമത്തിന് നല്കിയ അഭിമുഖത്തിലാണ് കേന്ദ്ര വിദേശകാര്യ മന്ത്രി ഇത്തരത്തില് രൂക്ഷ വിമര്ശനം ചൊരിഞ്ഞത്.
പാക്കിസ്ഥനില് ഭികര പ്രവര്ത്തനങ്ങളുടെ വ്യവസായമാണ് വികസിപ്പിച്ചെടുത്തിട്ടുള്ളത്. ഇന്ത്യയിലേക്ക് ഭീകരരെ കയറ്റി അയയ്ക്കുന്നുണ്ടെന്ന് പാക്കിസ്ഥാന് തന്നെ സമ്മതിച്ചിട്ടുള്ള കാര്യമാണ്. ഇരു രാജ്യങ്ങളും തമ്മിലുള്ള ബന്ധം സുഖകരമല്ലാത്തതിന്റെ കാരണങ്ങളില് ഒന്ന് അതാണെന്നും വിദേശകാര്യ മന്ത്രി അറിയിച്ചു.
ഇന്ത്യയുമായി സൗഹൃദബന്ധം സ്ഥാപിക്കുന്നത് പാകിസ്ഥാന് ഗൗരവമായി എടുക്കുന്നുണ്ടെങ്കില് ദാവൂദ് ഇഹ്രാഹിം, ഹാഫീസ് സയീദ് തുടങ്ങിയ ഭീകരരേയും കുറ്റവാളികളേയും കൈമാറണമെന്നും അദ്ദേഹം പറഞ്ഞു. ഭീകര പ്രവര്ത്തനങ്ങള്ക്ക് പരിശീലനം നല്കുന്ന അയല്രാജ്യവുമായി സംസാരിക്കാനും ചര്ച്ച ചെയ്യാനും ഏത് രാജ്യമാണ് തയ്യാറാകുകയെന്നും ജയശങ്കര് കുറ്റപ്പെടുത്തി. എല്ലാവിധ ഭീകര പ്രവര്ത്തനങ്ങളും അവസാനിപ്പിച്ച് ഇന്ത്യയ്ക്ക് കൈമാറുകയാണെങ്കില് സമാധാന ചര്ച്ചകള്ക്ക് തയ്യാറാകാമെന്നും അദ്ദേഹം കൂട്ടിച്ചേര്ത്തു.
