തിരുവനന്തപുരം: പോലീസ് ക്രിമിനലുകളുടെയും ബ്യൂറോക്രാറ്റുകളുടെയും മേല് സര്ക്കാരിന് നിയന്ത്രണമില്ലെന്ന് തെളിയിക്കുന്ന സംഭവ വികാസങ്ങളാണ് കേരളത്തില് നിലവില് അരങ്ങേറുന്നതെന്ന് സംവിധായകന് ആഷിഖ് അബു.
വാളയാര് കേസിലും, മാവോയിസ്റ്റ് വേട്ടയിലും ഒരു പത്രപ്രവര്ത്തകനെ ഭരണസിരാകേന്ദ്രത്തിന്റെ മൂക്കിന് താഴെ ഐഎഎസ് ഉദ്യോഗസ്ഥന് കാറിടിച്ചുകൊന്ന സംഭവത്തിലും തെളിയുന്നത് സര്ക്കാരിന് പോലീസിന് മേല് നിയന്ത്രണമില്ലെന്നാണ്, ഫെയ്സ്ബുക്ക് പോസ്റ്റിലൂടെ ആഷിഖ് പറഞ്ഞു.
ഭരണകൂടഭീകരത ഏറെ അനുഭവിച്ച അനുയായികളുള്ള പാര്ട്ടിക്ക് ഈ കാര്യത്തില് ഒരു ചുക്കും ചെയ്യാന് പറ്റാത്തത് അത്യന്തം പ്രതിഷേധാര്ഹമാണെന്നും സംവിധായകന് വ്യക്തമാക്കി.
