കണ്ണൂര്: രാജ്യാന്തര വിമാനത്താവളത്തില് 70ലക്ഷത്തിന്റെ സ്വര്ണ്ണം മലദ്വാരത്തിലൂടെ കടത്താന് ശ്രമിച്ച കോഴിക്കോട് സ്വദേശികള് പിടിയില്. സലൂപ് ഖാന്, മുസമ്മില് എന്നിവരാണ് പിടിയിലായത്. വിമാനത്താവളം വഴി സ്വര്ണ്ണക്കടത്തുകള് വന്തോതില് പിടിക്കപ്പെട്ടിട്ടും ഇത്തരം കുറ്റകൃത്യങ്ങള്ക്ക് ശമനമില്ലെന്നത് കസ്റ്റംസ് ഉദ്യോഗസ്ഥരെ വലയ്ക്കുകയാണ്.
ശനിയാഴ്ച പുലര്ച്ചെ 5.30ന് ദുബായില് നിന്നെത്തിയ ഗോ എയര് വിമാനത്തിലാണ് ഇരുവരും കണ്ണൂര് വിമാനത്താവളത്തിലെത്തിയത്. രഹസ്യ വിവരത്തെ തുടര്ന്ന് സംശയം തോന്നിയ ഇരുവരെയും കസ്റ്റഡിയിലെടുത്ത് പരിശോധിച്ചപ്പോഴാണ് പേസ്റ്റ് രൂപത്തിലാക്കിയ സ്വര്ണം കണ്ടെടുത്തത്. ഇവ മലദ്വാരത്തില് ഒളിപ്പിച്ചിരിക്കുകയായിരുന്നു. പേസ്റ്റിന് 2443 ഗ്രാം തൂക്കമുണ്ട്. പേസ്റ്റ് വേര്തിരിച്ചെടുത്താല് രണ്ട് കിലോയോളം സ്വര്ണം ലഭിക്കുമെന്ന് കസ്റ്റംസ് വ്യക്തമാക്കി.
കസ്റ്റഡിയിലെടുത്തവരെ ഡിആര്ഐയും കസ്റ്റംസും ചേര്ന്നു ചോദ്യം ചെയ്തു വരികയാണ്. കഴിഞ്ഞ ദിവസമാണ് ദുബായില് നിന്നെത്തിയ ഗോ എയര് വിമാനയാത്രക്കാരനായ ഇബ്രാഹിം മുഹമ്മദില് നിന്ന് ആറ് ലക്ഷത്തോളം രൂപ വിലമതിക്കുന്ന സ്വര്ണവും സിഗരറ്റും പിടികൂടിയത്.
