പാലക്കാട് : സമൂഹ മനസ്സാക്ഷിയെത്തന്നെ ഞെട്ടിക്കുന്ന വിധത്തില് വാളയാര് കേസില് വിധി പ്രസ്താവന പുത്തുവരികയും വിവാദമായിട്ടും പ്രതികരിക്കാതെ ഡിവൈഎഫ്ഐ. ഇതില് പ്രതിഷേധിച്ച് ലുക്ക്ഔട്ട് നോട്ടീസ് പുറത്തിറക്കി.
അന്താരാഷ്ട്ര വിഷയങ്ങളില് പോലും പ്രതികരിക്കുകയും വാഗ്വാദങ്ങള് നടത്തുകയും ചെയ്തിരുന്ന ഡിവൈഎഫ്ഐയാണ് വാളയാര് സംഭവം വിവാദമായിട്ടുകൂടി പ്രതികരിക്കാതിരുന്നത്. ഇതോടെ യൂത്ത് കോണ്ഗ്രസ് പ്രവര്ത്തകരാണ് ലുക്ക്ഔട്ട് നോട്ടീസ് പുറത്തിറക്കിയിരിക്കുന്നത്.
ഉഗാണ്ട, ചെക്കോസ്ലോവാക്യ, പോളണ്ട് മുതലായ രാജ്യങ്ങളില് ചെറിയ വിഷയങ്ങളില് പോലും ഇടതു വിഭാഗം അഭിപ്രായ പ്രകടനം നടത്താറുണ്ട്. എന്നിട്ടും വാളയാര് സംഭവത്തില് വീഴ്ചവരുത്തിയ ഉദ്യോഗസ്ഥര്ക്കെതിരേയും ഭരണ വര്ഗത്തിനെതിരേയും പ്രതികരിക്കുന്നില്ല. ഡിവൈഎഫ്ഐക്കാരെ കണ്ടുകിട്ടിയാല് എകെജി സെന്ററില് ഏല്പ്പിക്കണമെന്നും റിപ്പോര്ട്ടില് പറയുന്നുണ്ട്.
അതേസമയം വാളയാര് സഹോദരിമാര് കൊല്ലപ്പെട്ട കേസിലെ പ്രതികള്ക്ക് സിപിഎമ്മുമായി ബന്ധമുണ്ടെന്ന് നേരത്തെ റിപ്പോര്ട്ടുകള് പുറത്തുവന്നിരുന്നു. ഇതോടെയാണ് ഉത്തരേന്ത്യന് വിഷയങ്ങളില് പോലും പ്രതിഷേധ പ്രകടനം നടത്തുന്ന പാര്ട്ടി അംഗങ്ങള് വിഷയം ശ്രദ്ധയില്പ്പെടാത്തതു പോലെ അഭിനയിക്കുകയായിരുന്നു. കേസ് അന്വഷണത്തിലും ഇടതുപക്ഷത്തിന്റെ ഇടപെടലുകള് ഉണ്ടായിട്ടുണ്ട്.
കേസില് കോടതി വെറുതെ വിട്ട പ്രതികള് സിപിഎം പ്രവര്ത്തകരെന്ന് സമ്മതിച്ച് പാര്ട്ടി പ്രാദേശിക നേതാവും പഞ്ചായത്തംഗവുമായ സുദര്ശനും സമ്മതിച്ചിട്ടുണ്ട്. മുഖ്യപ്രതിയായ മധു സിപിഎം പാര്ട്ടി കുടുംബാംഗമാണ്. എന്നാല് മരിച്ച പെണ്കുട്ടികളുടേതും പാര്ട്ടി കുടുംബം ആണെന്നും സാഹചര്യവശാല് പാര്ട്ടിക്കെതിരെ സംസാരിക്കുന്നതാണെന്നും സുദര്ശന് അറിയിച്ചു.
