കേരളത്തിന്റെ സംസ്കാരവും സൗന്ദര്യവും സൗരഭ്യവും കലാരൂപങ്ങളും രുചിഭേദങ്ങളും ഗൃഹാതുരതയും മറ്റു നയന മനോഹരമായകാഴ്ചകളും ഒപ്പിയെടുത്ത്, മനോഹരമായ ഗാനശകലങ്ങളിലൂടെ കോർത്തിണക്കിയ വീഡിയോ ആൽബം “മമ മലയാളം” കേരളത്തിലും പ്രവാസികൾക്കിടയിലും ശ്രദ്ധേയമാകുന്നു. മനോഹരമായ ഈ ദൃശ്യസംഗീത വിരുന്നു ലോകമെമ്പാടുമുള്ള മലയാളികൾക്കായി ഒരുക്കിയിരിക്കുന്നത് പ്രവാസിയായ അനൂപ് നായർ ആണ്.
മധു ബാലകൃഷ്ണൻ, സൗമ്യ ഉണ്ണികൃഷ്ണൻ, ശ്രുതിനാഥ് എന്നിവർ പാടിയ ഗാനങ്ങൾ എഴുതിയത് അനൂപ് നായരും അൻതാരയും ചേർന്നാണ്. സംഗീതം അനൂപ്നായർ (കടപ്പാട് :ബിജു ജോൺ). കവി പ്രൊഫസർ വി .മധുസൂദനൻ നായർ, ഡബ്ബിങ് ആർട്ടിസ്റ്റ് ഭാഗ്യലക്ഷ്മി, നർത്തകി ദീപ കർത്താ എന്നിവരുടെ സാന്നിധ്യം മമ മലയാളത്തെ അനുഗ്രഹീതമാക്കിയിട്ടുണ്ട്. സന്ദീപ് മാറാടിയും പ്രസാദ് പണിക്കരുമാണ് ഛായാഗ്രഹണം നിർവഹിച്ചിരിക്കുന്നത്.
വീഡിയോ ആൽബം കാണാം:
