പാലക്കാട്: ജനങ്ങള്ക്കും പ്രവര്ത്തകര്ക്കും താത്പര്യമുള്ള ഒരു വ്യക്തി ബിജെപി സംസ്ഥാന അധ്യക്ഷ പദവിയിലേക്ക് വരുമെന്ന് ശോഭ സുരേന്ദ്രന്. അധ്യക്ഷ സ്ഥാനത്തേയ്ക്ക് വരാന് കെല്പ്പുള്ള നിരവധിയാളുകള് പാര്ട്ടിയിലുണ്ട്. ഉചിതമായ സമയത്ത് പാര്ട്ടി ഇതുസംബന്ധിച്ച തീരുമാനമെടുക്കും. ബിജെപി സംസ്ഥാന പ്രസിഡന്റ് ശ്രീധരന് പിള്ളയെ മിസോറാം ഗവര്ണറായി നിയമിച്ചുകൊണ്ട് കേന്ദ്ര സര്ക്കാര് കഴിഞ്ഞ ദിവസം ഉത്തരവിറക്കിയിരുന്നു. ഇതുമായി ബന്ധപ്പെട്ട് മാധ്യമങ്ങളില് നിരവധി ഊഹാപോഹങ്ങള്ക്ക് തുടക്കമിട്ടിട്ടുണ്ട്. ഈ പശ്ചാത്തലത്തില് മാധ്യമ പ്രവര്ത്തകരോട് സംസാരിക്കവേയാണ് ശോഭ സുരേന്ദ്രന് ഇക്കാര്യം വ്യക്തമാക്കിയത്. ക്യാപ്റ്റന് ആരാണോ ആ ക്യാപ്റ്റനോടൊപ്പം നിന്ന് പ്രവര്ത്തിക്കാന് സാധിക്കുന്നവര് പാര്ട്ടിക്കുള്ളിലുണ്ട്. ഇതിനെ തടുക്കാന് ശക്തിയുള്ള യുവനിര പക്ഷേ പ്രതിപക്ഷത്ത് ഉണ്ടാവില്ല. അധികാരത്തിന്റെ തണലിലിരുന്ന് കൊണ്ടാണ് ഇരുമുന്നണികളും ഞങ്ങളെ കല്ലെറിഞ്ഞിട്ടുള്ളതെന്നും അവര് കുറ്റപ്പെടുത്തി.
അധ്യക്ഷ സ്ഥാനത്തേക്ക് വരാന് കെല്പ്പുള്ള ഒരുപാട് പേര് പാര്ട്ടിയിലുണ്ട്; ജനങ്ങള്ക്കും പ്രവര്ത്തകര്ക്കും താത്പര്യമുള്ള വ്യക്തിയാകും പ്രസിഡന്റെന്നും ശോഭ സുരേന്ദ്രന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.