എറണാകുളവും അരൂരും മഞ്ചേശ്വരവും യുഡിഎഫിന്; കോന്നിയും വട്ടിയൂര്‍ക്കാവും എല്‍ഡിഎഫിന്; അരൂരില്‍ ഫോട്ടോഫിനിഷ്; കോന്നിയില്‍ വോട്ട് കുത്തനെ ഉയര്‍ത്തി ബിജെപി

തിരുവനന്തപുരം: ഉപതെരഞ്ഞെടുപ്പ് നടന്ന അഞ്ചു മണ്ഡലങ്ങളുടെ അന്തിമഫലം പുറത്തുവരുമ്പോള്‍ മൂന്നു സീറ്റ് യുഡിഎഫും രണ്ടു സീറ്റുകള്‍ എല്‍ഡിഎഫ് നേടി. എറണാകുളത്ത് ടി.ജെ. വിനോദ് (യുഡിഎഫ്), അരൂരില്‍ ഷാനിമോള്‍ ഉസ്മാന്‍ (യുഡിഎഫ്), മഞ്ചേശ്വരം എം.സി. കമറുദ്ദീന്‍ (യുഡിഎഫ്) എന്നിവരും വട്ടിയൂര്‍ക്കാവില്‍ തിരുവനന്തപുരം കോര്‍പ്പറേഷന്‍ മേയര്‍ വി.കെ. പ്രശാന്ത് (എല്‍ഡിഎഫ്), കോന്നിയില്‍ കെ.യു. ജനീഷ് കുമാര്‍ (എല്‍ഡിഎഫ്) എന്നിവരാണ് വിജയികള്‍. അരൂരില്‍ ഇഞ്ചോടിഞ്ച് മത്സരത്തിലാണ് ഷാനിമോള്‍ വിജയം കണ്ടത്. എന്നാല്‍, രണ്ടു വോട്ടിങ് മെഷിനുകള്‍ സാങ്കേതിക തകരാര്‍ മൂലം എണ്ണാനിയിട്ടില്ല. മൊത്തത്തില്‍ നാലു ബൂത്തുകളുടെ വോട്ടുകള്‍ എണ്ണാനുണ്ടെങ്കിലും ഷാനിമോള്‍ വിജയം ഉറപ്പിച്ചിട്ടുണ്ട്. അന്തിമഫലത്തില്‍ ഒരുപക്ഷേ ഭൂരിപക്ഷത്തില്‍ മാറ്റമുണ്ടായേക്കും. മഞ്ചേശ്വരത്ത് ബിജെപി സ്ഥാനാര്‍ഥി രവീശ തന്ത്രി കുണ്ടാറാണ് രണ്ടാം സ്ഥാനത്ത്. അതേസമയം, കോന്നിയില്‍ ബിജെപി സ്ഥാനാര്‍ഥി കെ. സുരേന്ദ്രന്‍ വന്‍തോതില്‍ വോട്ടുകള്‍ നേടി.

വോട്ടിങ് നില-

 വട്ടിയൂര്‍ക്കാവ്

വി.കെ. പ്രശാന്ത് (എല്‍ഡിഎഫ്) – 54782

കെ. മോഹന്‍കുമാര്‍ (യുഡിഎഫ്)- 40344

എസ്. സുരേഷ് (എന്‍ഡിഎ)-27425

ഭൂരിപക്ഷം- 14438

കോന്നി

കെ.യു. ജനീഷ് കുമാര്‍ (എല്‍ഡിഎഫ്)- 54099

കെ. മോഹന്‍രാജ് (യുഡിഎഫ്)- 44146

കെ. സുരേന്ദ്രന്‍ (എന്‍ഡിഎ)- 39786

ഭൂരിപക്ഷം- 9953

എറണാകുളം

ടി.ജെ. വിനോദ് (യുഡിഎഫ്)- 37891

മനു റോയ് (എല്‍ഡിഎഫ്)- 34141

സി.ജി. രാജഗോപാല്‍ (എന്‍ഡിഎ)- 13351

ഭൂരിപക്ഷം- 3750

മഞ്ചേശ്വരം

എം.സി. കമറുദ്ദീന്‍ (യുഡിഎഫ്)- 47746

രവീശ തന്ത്രി കുണ്ടാര്‍ (എന്‍ഡിഎ)-38355

എം. ശങ്കര്‍ റേ (എല്‍ഡിഎഫ്)- 22953

 ഭൂരിപക്ഷം- 9391

അരൂര്‍

ഷാനിമോള്‍ ഉസ്മാന്‍ (യുഡിഎഫ്)- 67832

മനു സി. പുളിക്കന്‍ (എല്‍ഡിഎഫ്)- 65956

പ്രകാശ് ബാബു (എന്‍ഡിഎ)- 15920

ഭൂരിപക്ഷം- 1876