തിരുവനന്തപുരം: വിജയദശമി ദിനത്തോട് അനുബന്ധിച്ച് സംസ്ഥാനത്തെ വിവിധ ക്ഷേത്രങ്ങളിലും സാംസ്കാരിക കേന്ദ്രങ്ങളിലും വിദ്യാരംഭ ചടങ്ങുകള് രാവിലെ മുതല് തുടക്കമായി. കൊല്ലൂര് മുകാംബികയില് വന് ഭക്തജനത്തിരക്കാണ് ഉള്ളത്.
കൊല്ലൂര് മൂകാംബിക ക്ഷേത്രത്തില് പുലര്ച്ചെ മുതല് വിദ്യാരംഭ ചടങ്ങുകള് ആരംഭിച്ചു. മണ്ണിലും അരിയിലുമാണ് കുരുന്നുകള് ആദ്യാക്ഷരമെഴുതുന്നത്. നാവില് തേനും സ്വര്ണവും ചാലിച്ച് അക്ഷരം രുചിക്കും. അക്ഷര മുറ്റങ്ങളും സാംസ്കാരിക കേന്ദ്രങ്ങളും ആരാധനാലയങ്ങളും ഇന്ന് കുഞ്ഞുങ്ങളെ അക്ഷരങ്ങളുടെ ലോകത്തേക്ക് കൈ പിടിക്കും.
പനച്ചിക്കാടും പറവൂര് മൂകാംബികയിലും തുഞ്ചന് പറമ്പിലും വിദ്യാരംഭത്തിനായി വന്തിരക്ക് ഉണ്ട്. കൊല്ലൂര് മൂകാംബിക ക്ഷേത്രത്തിലും കോട്ടയം പനച്ചിക്കാട്ടും പറവൂര് ദക്ഷിണ മൂകാംബികാ ക്ഷേത്രത്തിലും, തിരൂര് തുഞ്ചന്പറമ്പിലും ഐരാണിമുട്ടം ചിറ്റൂര് തുഞ്ചന് മഠങ്ങളിലും അക്ഷരമെഴുതാനെത്തിയ കുരുന്നുകളുടെയും രക്ഷകര്ത്താക്കളുടെയും വന് തിരക്കാണ്.
കൊല്ലൂര് മൂകാംബിക ക്ഷേത്രത്തില് വിദ്യാരംഭ ചടങ്ങിനെത്തുന്നവരുടെ തിരക്ക് പരിഗണിച്ച് സരസ്വതി മണ്ഡപത്തിലും ക്ഷേത്രത്തോട് ചേര്ന്നുള്ള യാഗശാലയുടെ പുറത്തുമായാണ് ചടങ്ങുകള് നടക്കുന്നത്. മൂകാംബികാ സന്നിധിയില് അരങ്ങേറ്റം നടത്താന് നിരവധി കലാകാരന്മാരും എത്തിയിട്ടുണ്ട്. ക്ഷേത്രത്തിലെ പ്രധാന ഉത്സവമായ രഥോത്സവം ഭക്തിയുടെ നിറവില് നടന്നു. പുത്തരിനിവേദ്യം ദേവിക്ക് സമര്പ്പിക്കുന്ന ചടങ്ങോടെ നവരാത്രി, വിജയദശമി ആഘോഷങ്ങള്ക്ക് സമാപനമാകും.
