ജാര്ഖണ്ഡ്: അവധിക്കിടയില് ഇന്ത്യന് രാഷ്ട്രപതിയെ സന്ദര്ശിച്ച് എം.എസ്. ധോണി. റാഞ്ചിയിലെ രാജ്ഭവനില് വെച്ചായിരുന്നു ധോണി രാഷ്ട്രപതി രാം നാഥ് കോവിന്ദിനെ കണ്ടത്. ത്രിദിന ജാര്ഖണ്ഡ് സന്ദര്ശനത്തിന്റെ ഭാഗമയായിരുന്നു രാം നാഥ് കോവിന്ദ് ഭാര്യ സവിതയുമൊത്ത് റാഞ്ചിയിലെത്തിയത്. മേഖലയിലുടനീളം കനത്ത മഴയെത്തുടര്ന്ന് രാഷ്ട്രപതിയുടെ ഗുംല ജില്ല സന്ദര്ശനം റദ്ദാക്കിയതാണ് ധോണിക്ക് അദ്ദേഹവുമായി കൂടിക്കാഴ്ച നടത്താന് അവസരം നല്കിയത്. പ്രസിഡന്റിനോടൊപ്പം രാത്രിഭക്ഷണവും കഴിച്ചാണ് ധോണി മടങ്ങിയത്.
ക്രിക്കറ്റില് നിന്ന് അവധിയെടുത്ത ധോണി ജെഎസ്സിഎ ഇന്ഡോര് സ്റ്റേഡിയത്തില് ബില്ല്യാര്ഡ്സ് കളിക്കാനെത്തിയിരുന്നു. ഇത്തിന്റെ ചിത്രങ്ങള് താരം സമൂഹ മാധ്യമങ്ങളില് പങ്കുവച്ചിരുന്നു. തെരുവില് ക്രിക്കറ്റ് കളിക്കുന്ന ധോണിയുടെ വീഡിയോ ഇതിനോടകം തന്നെ സോഷ്യല് മീഡിയയില് ചര്ച്ച വിഷയമായിരുന്നു.
ഈ വര്ഷം നവംബര് വരെ ധോണി സെലക്ഷനുണ്ടാക്കിലെന്നാണ് റിപ്പോര്ട്ട്. രണ്ട് മാസത്തെ ഇടവേളയ്ക്ക് ശേഷം ധോണി നേരത്തെ വെസ്റ്റ് ഇന്ഡീസ് പര്യടനത്തില് നിന്ന് വിട്ടുനിന്നിരുന്നു. അതുകൊണ്ട് തന്നെ അദ്ദേഹത്തിനു ദക്ഷിണാഫ്രിക്കയ്ക്കെതിരായ ഹോം സീരീസ് നഷ്ടമായി. അവധി ഇനിയും നീട്ടിയാല് വിജയ് ഹസാരെ ട്രോഫിയും ബംഗ്ലാദേശിനെതിരായ ഹോം ടി 20 ഐ പരമ്പരയും അദ്ദേഹത്തിന് നഷ്ടമാകും. ധോണി ഉടന് വിരമിക്കുമെന്ന് അഭ്യൂഹമുയര്ന്നെങ്കിലും താരം പ്രതികരിച്ചിരുന്നില്ല.
