വാഷിംഗ്ടണ്: അമേരിക്കയിലെ വാഷിംഗ്ടണ് ഡി.സി തെരുവുകളില് വ്യാഴാഴ്ച നടന്ന വെടിവയ്പില് ഒരാള് കൊല്ലപ്പെടുകയും അഞ്ച് പേര്ക്ക് പരിക്കേല്ക്കുകയും ചെയ്തതായി റിപ്പോര്ട്ട്. രാത്രി 10 മണിയോടെ വൈറ്റ്ഹൗസിൽ നിന്ന് മൂന്ന് കിലോമീറ്റര് അകലെയുള്ള കൊളംബിയ ഹൈറ്റ്സ് പരിസരത്താണ് വെടിവയ്പ്പ് ഉണ്ടായത്. ഒരു അപ്പാര്ട്ട്മെന്റിന്റെ മുമ്പില് വെച്ചാണ് സംഭവം നടന്നതെന്ന് പോലീസ് പറഞ്ഞു.
വെടിവയ്പില് പരിക്കേറ്റ അഞ്ച് പേരില് രണ്ടുപേര് ഗുരുതരാവസ്ഥയിലാണ്. മറ്റുള്ളവരുടെ അവസ്ഥ തൃപ്തികരമാണെന്നും എല്ലാവരും പരിക്കുകളില് നിന്ന് രക്ഷപ്പെടുമെന്ന് മെട്രോപൊളിറ്റന് പോലീസ് കമാന്ഡര് സ്റ്റുവര്ട്ട് എമ്മര്മാന് പറഞ്ഞു. വെടിവയ്പ്പിന്റെ ഉദ്ദേശ്യം കണ്ടുപിടിക്കാനായിട്ടില്ല. സാക്ഷികളെ വിസ്തരിച്ചെന്നും ക്യാമറ ദൃശ്യങ്ങള് തിരയുകയാണെന്നും അദ്ദേഹം പറഞ്ഞു.
സംഭവസ്ഥലത്ത് നിന്ന് പരിക്കേറ്റവരെ ആംബുലന്സില് കയറ്റുന്ന ചിത്രങ്ങള് വിദേശ മാധ്യമമാണ് ട്വീറ്റ് ചെയ്തത്. പ്രതിയെ പോലീസ് പിടികൂടിയെന്നാണ് സുചന.
