ന്യൂദല്ഹി : കശ്മീരിന്റ പ്രത്യേക പദവി റദ്ദാക്കി കേന്ദ്ര ഭരണപ്രദേശമാക്കിയ മോദി സര്ക്കാരിന്റെ നടപടിയെ അനുകൂലിച്ച് ജമാഅത്ത് ഉലമ ഇ ഹിന്ദ്. ജമ്മു കശ്മീര് ഇന്ത്യയുടെ അവിഭാജ്യ ഘടകമാണ്. അതിര്ത്തി സംസ്ഥാനത്തെ കേന്ദ്ര സര്ക്കാര് അധികം വൈകാതെ തന്നെ സാധാരണ നിലയിലേക്ക് കൊണ്ടുവരുമെന്നും ജമാഅത്ത് ഉലമ ഇ ഹിന്ദ് പ്രസിഡന്റ് മൗലാന ഖ്വാരി മുഹമ്മദ് ഉസ്മാന് മന്സൂര്പുരി അറിയിച്ചു. സ്വകാര്യ മാധ്യമത്തിന് നല്കിയ അഭിമുഖത്തിലാണ് ഇക്കാര്യം അറിയിച്ചത്.
മാനുഷിക പരിഗണന നല്കിക്കൊണ്ടാണ് കേന്ദ്ര സര്ക്കാര് ജമ്മു കശ്മീരിലെ ജനങ്ങള്ക്ക് സംരക്ഷണം നല്കുന്നത്. രാജ്യത്തെ പഴക്കം ചെന്ന മുസ്ലിം സംഘടനകളില് ഒന്നാണ് ജമാഅത്ത് ഉല്അമ ഇ ഹിന്ദ്. 1919ലാണ് ഈ സംഘടന ആരംഭിക്കുന്നത്. സംസ്ഥാനത്തെ ജനജീവിതം സാധാരണ നടപടിയിലേക്ക് കൊണ്ടുവരാന് കേന്ദ്ര സര്ക്കാര് നടപടികള് സ്വീകരിച്ചു വരികയാണ്. അതേസമയം അയല് രാജ്യമാണ് സംസ്ഥാനത്തെ തകര്ക്കുന്നതിനും ഇവിടുത്തെ സമാധാന അന്തരീക്ഷം ഇല്ലാതാക്കുന്നതിനുമുള്ള നടപടികള്ക്കു പിന്നിലെന്നും അദ്ദേഹം വിമര്ശിച്ചു.
രാജ്യത്തോട് നമുക്ക് കുറച്ച് ഉത്തരവാദിത്തങ്ങളുണ്ട്. സമാധാന അന്തരീക്ഷം തകരുന്ന ഒരു നടപടിയും അംഗീകരിക്കില്ല. കശ്മീരിന്റെ പ്രത്യേക പദവി റദ്ദാക്കിയത് ഇന്ത്യയ്ക്കെതിരെ പോരാടാന് ലോക രാഷ്ട്രങ്ങള്ക്കുമുന്നില് പാക്കിസ്ഥാന് ഒരു ആയുധമാക്കി ചൂണ്ടിക്കാട്ടാന് ശ്രമിക്കുകയാണ്. കശ്മീര് ജനതയുടെ ക്ഷേമം ഇന്ത്യയുടെ ഉത്തരവാദിത്തം തന്നെയാണ് ഒരു വിഘടനവാദികള്ക്കും അത് തകര്ക്കാന് സാധിക്കില്ല. അങ്ങിനെ ആരെങ്കിലും ശ്രമിച്ചാല് തന്നെ അത് കശ്മീരിലെ ജനങ്ങളെ മാത്രമല്ല ഇന്ത്യയിലെ മുഴുവന് ആളുകളേയും ബാധിക്കുന്നതാണെന്നും മന്സൂര്പുരി കൂട്ടിച്ചേര്ത്തു.
