തിരുവനന്തപുരം : ഇന്ദ്രന്സിന് മികച്ച നടനുള്ള അന്താരാഷ്ട്ര പുരസ്കാരം. സിംഗപ്പൂര് സൗത്ത് ഏഷ്യന് ഇന്റര്നാഷണല് ഫിലിം ഫെസ്റ്റിവലില് പ്രദര്ശിപ്പിച്ച ഡോ. ബിജു സംവിധാനം ചെയ്ത വെയില്മരങ്ങള് എന്ന ചിത്രത്തിലെ പ്രകടനത്തിന് മികച്ച നടനായാണ് ഇന്ദ്രന്സിനെ തെരഞ്ഞെടുത്തത്. ഇന്ദ്രന്സിന് ലഭിക്കുന്ന ആദ്യ അന്താരാഷ്ട്ര പുരസ്കാരം ആണിത്.
നേരത്തെ ഷാങ്ഹായ് രാജ്യാന്തര ചലച്ചിത്രമേളയില് പ്രദര്ശിപ്പിച്ച വെയില്മരങ്ങള്ക്ക് ഔട്ട്സ്റ്റാന്ഡിങ് ആര്ട്ടിസ്റ്റിക് അച്ചീവ്മെന്റ് പുരസ്കാരം നേടിയിരുന്നു. ഷാങ്ഹായ് മേളയില് പുരസ്കാരം നേടുന്ന ആദ്യ ഇന്ത്യന് ചിത്രം കൂടിയാണ് വെയില് മരങ്ങള്.
ഇന്ദ്രന്സ്, സരിത കുക്കു, കൃഷ്ണന് ബാലകൃഷ്ണന്, പ്രകാശ് ബാരെ, മാസ്റ്റര് ഗോവര്ധന്,അശോക് കുമാര്, നരിയാപുരം വേണു, മെല്വിന് വില്യംസ്, എന്നിവരാണ് പ്രധാന വേഷങ്ങളില് അഭിനയിച്ചിരിക്കുന്നത്.
കേരളത്തില് നിന്ന് ഹിമാചലിലേക്ക് പലായനം ചെയ്യപ്പെട്ട ദളിത് കുടുംബത്തിന്റെ കഥ പറയുന്ന സിനിമ ഒന്നര വര്ഷത്തോളമെടുത്താണ് ചിത്രീകരിച്ചത്. വെയില്മരങ്ങള് ഹിമാചല്പ്രദേശ്, കേരളത്തിലെ മണ്റോ തുരുത്ത് എന്നിവിടങ്ങളിലായി വിവിധ കാലാവസ്ഥകളില് ഒന്നര വര്ഷം കൊണ്ടാണ് ചിത്രീകരിച്ചത്.
