ബംഗളൂരു: കര്‍ണാടക മുന്‍ മുഖ്യമന്ത്രിയും കോണ്‍ഗ്രസ് നേതാവുമായ സിദ്ധരാമയ്യ തന്റെ അനുയായിയുടെ മുഖത്തടിക്കുന്ന ദൃശ്യങ്ങള്‍ പുറത്ത്. മൈസൂരു വിമാനത്താവളത്തിന് പുറത്ത് മാധ്യമപ്രവര്‍ത്തകരെ കണ്ടശേഷം തിരികെ പോകുമ്പോഴാണ് സിദ്ധരാമയ്യ അനുയായിയുടെ മുഖത്തടിച്ചത്. കള്ളപ്പണം വെളുപ്പില്‍ കേസില്‍ കോണ്‍ഗ്രസ് നേതാവ് ഡി ശിവകുമാറിനെ എന്‍ഫോഴ്‌സ്‌മെന്റ് അറസ്റ്റ് ചെയ്തതുമായി ബന്ധപ്പെട്ട് പ്രതികരിക്കുന്നതിനാണ് അദേഹം മാധ്യമങ്ങളെ കണ്ടത്. പത്രസമ്മേളനത്തിനിടെ അനുയായിയും മറുപടി പറയാന്‍ ശ്രമിച്ചതാണ് സിദ്ധരാമ്മയ്യയെ പ്രകോപിച്ചത്. തിരിച്ചുപോകുന്നതിനിടെ, സിദ്ധരാമയ്യയും അനുയായിയും ഇതിനെപറ്റി പരസ്പരം സംസാരിക്കുകയും തുടര്‍ന്ന് സിദ്ധരാമയ്യ അയാളുടെ മുഖത്ത് അടിക്കുകയുമായിരുന്നു.
Watch: Congress leader and ex-Karnataka CM Siddaramaiah slaps his aide outside Mysuru airport.#Siddaramaiah#SiddaramaiahSlapsCongressWorker pic.twitter.com/hTOjhRtF7I
— TOI Bengaluru (@TOIBengaluru) September 4, 2019
അനുയായിയുടെ വാക്കുകളില്‍ കുപിതനായ സിദ്ധരാമയ്യ, അദ്ദേഹത്തിന്റെ മുഖത്തടിക്കുന്നതാണ് ദൃശ്യങ്ങളിലുളളത്. ശേഷം അനുയായിയെ തളളി ഇരുവരും മുന്നോട്ടുപോകുന്നതും കാണാം. കഴിഞ്ഞദിവസമാണ് അനധികൃത സ്വത്തുസമ്പാദന കേസില്‍ ഡി ശിവകുമാറിനെ അറസ്റ്റ് ചെയ്തത്. കേന്ദ്ര ഏജന്‍സികളെ ഉപയോഗിച്ച് പ്രതിപക്ഷ നേതാക്കള്‍ വേട്ടയാടുകയാണെന്ന് സിദ്ധരാമയ്യ ആരോപിച്ചു. സാമ്പത്തികരംഗത്ത് പ്രകടമായിരിക്കുന്ന ഘടനാപരമായ പിഴവുകളില്‍ നിന്ന് ശ്രദ്ധ തിരിക്കാനാണ് ശിവകുമാറിന്റെ അറസ്റ്റിലൂടെ മോദി സര്‍ക്കാര്‍ ശ്രമിക്കുന്നതെന്നും സിദ്ധരാമയ്യ ആരോപിച്ചു.
