കോഴിക്കോട്: യുവതിയെ ഭീഷണിപ്പെടുത്തി പീഡിപ്പിച്ച കേസില്‍ എസ് ഐ അറസ്റ്റില്‍. കൊയിലാണ്ടി എ.ആര്‍ ക്യാപിലെ എസ്‌ഐ ജിഎസ്.അനിലിനെയാണ് പയ്യോളി പോലിസ് അറസ്റ്റ് ചെയ്തത്. മകനെ അപായപ്പെടുത്തുമെന്ന് ഭീഷണിപ്പെടുത്തിയാണ് തന്നെ പീഡിപ്പിച്ചതെന്ന് യുവതി പരാതിയില്‍ പറയുന്നു.
യുവതിയുടെ പരാതി ഇങ്ങനെ: മകനെ അപായപ്പെടുത്തുമെന്ന് ഭീഷണിപ്പെടുത്തിയാണ് പീഡനം തുടങ്ങിയത്. 2017 സെപ്റ്റബര്‍ മുതല്‍ നിരവധി തവണ ഇത് തുടര്‍ന്നു. തലശേരിയിലെ ലോഡ്ജില്‍ എത്തിച്ചാണ് ആദ്യം പീഡിപ്പിച്ചത്. പിന്നീട് വടകര, കൊയിലാണ്ടി, പയ്യോളി എന്നിവിടങ്ങളിലും എത്തിച്ചു. തന്നെ നിരന്തരം എസ്.ഐ ഭീഷണിപ്പെടുത്തിയിരുന്നു.കഴിഞ്ഞ ദിവസം മര്‍ദിക്കുകയും മൊബൈല്‍ ഫോണ്‍ തട്ടിപ്പറക്കാന്‍ ശ്രമിക്കുകയും ചെയ്തു.
മര്‍ദ്ദനത്തിനിരയായ യുവതി ആശുപത്രിയില്‍ എത്തിയതിനെ തുടര്‍ന്ന് സംശയം തോന്നി പോലിസ് നടത്തിയ അന്വേഷണത്തിലാണ് എസ് ഐയുടെ പീഡന വിവരം പുറത്തായത്. പീഡനം, ശാരീരിക മര്‍ദനം, തട്ടികൊണ്ടുപോകല്‍ എന്നീ വകുപ്പുകള്‍ പ്രകാരമാണ് എസ് എസ് ഐക്കെതിരെയുള്ള കേസ്.
