മുംബൈ: ക്രിക്കറ്റ് ദൈവം സച്ചിന്‍ ടെന്‍ഡുല്‍ക്കറുടെ മകന്‍ അര്‍ജുന്‍ ടെന്‍ഡുല്‍ക്കര്‍ മുംബൈ സീനിയര്‍ ടീമില്‍ ഇടംപിടിച്ചു. നാഗ്പൂരില്‍ നടക്കുന്ന ബാപുന കപ്പിനുള്ള ടീമിലാണ് ഇടംകൈയന്‍ പേസറായ അര്‍ജുന്‍ ഇടംപിടിച്ചത്. 15 അംഗ ടീമിനെയാണ് പ്രഖ്യാപിച്ചിരിക്കുന്നത്. സെപ്തംബര്‍ അഞ്ചു മുതലാണ് മത്സരങ്ങളുടെ തുടക്കം. വിദര്‍ഭ ക്രിക്കറ്റ് അസോസിയേഷനാണ് സംഘാടകര്‍. സൂര്യകുമാര്‍ യാദവാണ് നായകന്‍. ഇത്തവണ മത്സരം 50 ഓവറാണ്. ആദിത്യ താരെ, സര്‍ഫ്രാസ് ഖാന്‍ എന്നിവരും ടീമിലുണ്ട്.
നേരത്തെ പത്തൊന്‍പതുകാരനായ അര്‍ജുന്‍ മുംബൈ ട്വന്റി20 ലീഗില്‍ കളിച്ചിരുന്നു. ഇന്ത്യന്‍ ടീമിനായി നെറ്റ്‌സില്‍ പന്തെറിഞ്ഞും അര്‍ജുന്‍ ശ്രദ്ധേയനായിരുന്നു. മുംബൈ ടി20 ലീഗിലും അര്‍ജുന്‍ ടെണ്ടുല്‍ക്കര്‍ കളിച്ചിരുന്നു. അര്‍ജുന്‍ ടെണ്ടുല്‍ക്കറിനെ അന്ന് അഞ്ച് ലക്ഷം രൂപയ്‌ക്കാണ് ലേലത്തില്‍ വിളിച്ചത്.
