തിരുവനന്തപുരം : ദുരാതാശ്വാസ നിധിയിലേക്ക് സംഭാവന ചെയ്തവരെ നന്ദി പൂര്വ്വം സ്മരിച്ച മുഖ്യമന്ത്രി രക്ഷാ പ്രവര്ത്തനത്തിനിടെ മരിച്ച യുവാവിനെ മനപ്പൂര്വ്വം മറന്നു. ദുരിതാശ്വാസ നിധിയില് വസ്ത്രം നല്കിയ നൗഷാദിനേയും പോക്കറ്റ് മണി ദിരിതാശ്വാസ നിധിയിലേക്ക് നല്കിയ ഒമ്പതാം ക്ലാസ്സുകാരനേയും ചേര്ത്തു നിര്ത്തി.
കോഴിക്കോട് ദുരന്തകയത്തില് അകപ്പെട്ടുപോയ ആളുകളെ രക്ഷിക്കാനുള്ള ശ്രമത്തിനിടെ സ്വന്തം ജീവന് ബലി കൊടുത്ത ലിനു എന്ന യുവാവിനെ മുഖ്യമന്ത്രി ഒഴിവാക്കിയതില് സമൂഹ മാധ്യമങ്ങളില് രൂക്ഷ വിമര്ശനം. സ്വയം സഹായ സംഘമായ സേവാഭാരതിക്കു കീഴില് പ്രവര്ത്തിച്ചതു കൊണ്ടാണോ ലിനുവിനെ ഒഴിവാക്കിയതെന്നാണ് സമൂഹ മാധ്യമങ്ങളില് ചോദ്യം ഉയരുന്നത്.
പ്രളയദുരിതാശ്വവുമായി ബന്ധപ്പെട്ട് പ്രവര്ത്തിച്ചവരെ അഭിനന്ദിച്ച് പിണറായി വിജയന് എഫ്ബിയില് പോസ്റ്റിട്ടതിനെതിരെയാണ് ഇത്തരത്തില് രൂക്ഷ വിമര്ശനം ഉയര്ന്നിരിക്കുന്നത്. മരിച്ച ലിനു സേവാഭാരതിക്കാരനായിരുന്നത് കൊണ്ടാണോ മുഖ്യമന്ത്രി അക്കാര്യം വിട്ടു കളഞ്ഞതെന്നാണ്സമൂഹ മാധ്യമങ്ങളില് നിന്നുള്ള ചോദ്യം. വസ്ത്രവും പണവും നല്കിയതില് ഏറെ വലുതാണ് ജീവന് നല്കുന്നത്. ആര്എസ്എസിന്റെ സേവാഭാരതി പ്രവര്ത്തകന് ആയതു കൊണ്ടാണോ ലിനുവിനെ ഒഴിവാക്കിയത്.
ഈ സമയത്തും മുഖ്യന്റെ രാഷ്ട്രീയ കുബുദ്ധിയാണോ ഇതിനു പിന്നില്, ഈ പ്രളയകാലത്തില് ജീവനേക്കാള് വസ്ത്രത്തിന് വിലയുണ്ടെന്ന് മനസ്സിലാക്കി തന്നു എന്നും ആരോപിക്കുന്നുണ്ട്.
പെരുന്നാള് ദിനത്തില് എറണാകുളം ബ്രോഡ് വേയിലെ തന്റെ തുണിക്കടയില് നിന്നും ആവശ്യത്തിന് തുണികള് ദുരിതാശ്വാസ പ്രവര്ത്തകര്ക്ക് നല്കിയ നൗഷാദിനേയും തിരുവന്തപുരം സ്വദേശിയായ ഒന്പതാം ക്ലാസ് വിദ്യാര്ത്ഥി ആദര്ശിനെയും അഭിനന്ദിച്ച് മുഖ്യമന്ത്രി കഴിഞ്ഞ ദിവസം ഫേസ്ബുക്ക് പേജില് കുറിപ്പെഴുതിയിരുന്നു. ഇതില് മരിച്ച ലിനുവിന്റെ പേര് മാത്രം പരിഗണിക്കാതിരുന്നതിനെ തുടര്ന്നാണ് സമൂഹ മാധ്യമങ്ങള് ഇത്തരത്തില് രൂക്ഷമായി വിമര്ശിച്ചത്.
