തിരുവനന്തപുരം: കനത്ത പേമാരിയെ തുടര്‍ന്നുണ്ടായ ദുരന്തം നേരിടുന്നതിനും കൃത്യസമയത്ത് രക്ഷാപ്രവര്‍ത്തന-ദുരിതാശ്വാസ പ്രവര്‍ത്തനങ്ങള്‍ ഏകോപിപ്പിക്കുന്നതിനും സേവാഭാരതി സംസ്ഥാന തലത്തിലും ജില്ലകേന്ദ്രങ്ങളിലും ഹെല്പ് ഡെസ്‌ക് ആരംഭിച്ചിട്ടുണ്ട് .ദുരന്തബാധിതര്‍ ചുവടെ കൊടുത്തിട്ടുള്ള ഫോണ്‍ നമ്പറുകളില്‍ ബന്ധപ്പെട്ടാല്‍ സേവനം ലഭ്യമാകും.കേരളത്തിലെ പതിന്നാല് ജില്ലകളിലും ഹെല്‍പ്പ് ഡെസ്‌ക്കുണ്ട്.
നിലമ്പൂർ താലൂക്കിൽ പെട്ട പല പ്രദേശങ്ങളും വെള്ളത്തിലാണ് … വീടുകൾ വെള്ളത്തിൽ മുങ്ങി കൊണ്ടിരിക്കുന്നു .മഴ തുടർന്നും പെയ്യുകയാണ്.വീട്ടിൽ അകപ്പെട്ടവർ ആശങ്കയിലാണ് .സേവാഭാരതി പ്രവർത്തനസജ്ജമാണ് .താനൂരിൽ നിന്നും നമ്മുടെ ബോട്ടുകൾ പുറപ്പെട്ടു കഴിഞ്ഞു .ഒട്ടേറെ പേർ ക്യാമ്പുകളിൽ കഴിയുന്നു അവർക്ക് വെള്ളവും ഭക്ഷണവും എത്തിക്കണം ക്യാമ്പുകളിലെ ആവശ്യങ്ങൾ വർദ്ധിച്ചു വരികയാണ് .. നല്ലവരായ നാട്ടുകാരുടെ സഹായം സഹജീവികൾക്ക് അത്യാവശ്യമാണ് .. സഹായം നൽക്കാൻ ആഗ്രഹിക്കുന്നവർ വണ്ടൂർ സേവാഭാരതിയുമായി ബന്ധപ്പെടുക അമ്പലപ്പടിയിലുള്ള സേവാഭാരതി ഓഫീസ് മുഴുവൻ സമയ പ്രവർത്തനത്തിലാണ്
1.40PM
സേവാഭാരതി പ്രവര്‍ത്തകര്‍ കൊയിലാണ്ടിയില്‍ നിന്ന് കോഴിക്കോട് ജില്ലയിലെ വിവിധ പ്രദേശങ്ങളില്ലേക്ക് രക്ഷ പ്രവര്‍ത്തനത്തിനായി പുറപ്പെട്ടു.
1.30PM
കട്ടപ്പന – പാറക്കടവില്‍ സേവാഭാരതി പ്രവര്‍ത്തകര്‍ ഉരുള്‍പ്പൊട്ടി തകര്‍ന്ന വിട്ടില്‍ നിന്ന് സാധന സാമഗ്രികള്‍ സുരക്ഷിതമായ സ്ഥലങ്ങളിലേക്ക് മാറ്റുന്നു
3.00AM
കാലവര്‍ഷം ശക്തിപ്പെട്ട സാഹചര്യത്തില്‍ സേവന സന്നദ്ധരായ വോളണ്ടിയര്‍മാരുടെ രജിസ്ട്രേഷന്‍ ആരംഭിച്ചിട്ടുണ്ട്
സേവന സന്നദ്ധരായിട്ടുള്ളവര്‍ ചുവടെ കൊടുത്തിരിക്കുന്ന ലിങ്കില്‍ കൂടി റെജിസ്റ്റര്‍ ചെയ്യേണ്ടതാണ്
… നമുക്കൊന്നിക്കാം കേരളത്തിനായ് …
4.00AM
വെള്ളക്കെട്ടില്‍പ്പെട്ട തൃശൂര്‍ വില്ലടം കമ്പോളച്ചിറയിലെ പത്തോളം കുടുംബങ്ങളെ സേവാഭാരതിയുടെ നേതൃത്വത്തില്‍ ഇന്ന് പുലര്‍ച്ചെ 4 മണിയോടെ വില്ലടം ഹയര്‍ സെക്കന്‍ഡറി സ്‌കൂളിലേക്ക് മാറ്റി പാര്‍പ്പിച്ചു
8/8/2019
കോഴിക്കോട് കുറ്റ്യാടി മേഖലയില്‍ കര്‍മ്മ നിരതരായി സേവാഭാരതി പ്രവര്‍ത്തകര്‍ കനത്ത മഴയിലും ചുഴലികാറ്റിലും വീടുകളിലേക്ക് വീണ മരങ്ങളുടെ ശിഖിരങ്ങള്‍ മുറിച്ചു മാറ്റുന്നു…
8/8/2019
സംസ്ഥാനത്ത് മഴ ശക്തമാകുന്ന സാഹചര്യത്തില്‍ അത്യാവശ്യ – അടിയന്തിര സഹായത്തിന് സേവാഭാരതിയിലേക്ക് വിളിക്കേണ്ട നമ്പര്‍: 8330083324 ആവശ്യമായ മുന്‍കരുതല്‍ നടപടികള്‍ സ്വീകരിച്ചിട്ടുണ്ട്.
