ഏറ്റുമാനൂര്: ഹൈന്ദവ ചേതന ഉണര്ത്തി സൂഹത്തെ ഒന്നിപ്പിക്കാനുള്ള ദൗത്യം ആചാര്യന്മാര് ഏറ്റെടുക്കണമെന്ന് കൊളത്തൂര് അദ്വൈതാശ്രമം മഠാധിപതി സ്വാമി ചിദാനന്ദപുരി. ഏറ്റുമാനൂര് മാരിയമ്മന് കോവിലില് മാര്ഗദര്ശക മണ്ഡലിന്റെ നേതൃത്വത്തില് നടന്ന ധര്മാചാര്യസഭയില് മുഖ്യപ്രഭാഷണം നടത്തുകയായിരുന്നു അദ്ദേഹം.
ഭൂമി, വ്യവസായം, വിദ്യാഭ്യാസം, വൈദ്യം എന്നീ എല്ലാ മേഖലകളിലും ഹിന്ദു സമാജം പിന്തള്ളപ്പെട്ടു. രാഷ്ട്രത്തെക്കുറിച്ച് ചിന്തിക്കുകയും പ്രവര്ത്തിക്കുകയും ചെയ്യേണ്ട സന്ദര്ഭമാണിത്. ശബരിമലയില് യുവതികളെ പ്രവേശിപ്പിക്കാന് സര്ക്കാര് നടത്തിയ നീക്കങ്ങള് ഹൈന്ദവചേതനയില് വലിയ ഉണര്വുണ്ടാക്കി. കേരളം ആധ്യാത്മികരംഗത്ത് ഏറ്റവും മുന്നിലാണ്. പക്ഷെ ഇവിടെയാണ് വിഘടനവാദികളുടെ പ്രവര്ത്തനങ്ങള്ക്ക് തുടക്കമെന്നത് വിരോധാഭാസമാണെന്നും അദ്ദേഹം പറഞ്ഞു.
വാഴൂര് തീര്ഥപാദാശ്രമം മഠാധിപതി സ്വാമി പ്രജ്ഞാനന്ദ തീര്ഥപാദര് അധ്യക്ഷനായി. മള്ളിയൂര് പരമേശ്വരന് നമ്പൂതിരി, പന്തളം കൊട്ടാരം നിര്വാഹകസംഘം സെക്രട്ടറി നാരായണവര്മ, പുതുമന മനു നമ്പൂതിരി, സ്വാമി സത്സ്വരൂപാനന്ദ സരസ്വതി, സംഘാടകസമിതി ചെയര്മാന് പി.എന്.എസ് നമ്പൂതിരി, കണ്വീനര് രാജേഷ് നട്ടാശ്ശേരി എന്നിവര് സംസാരിച്ചു.
സ്വാമി അഭയാനന്ദ തീര്ഥപാദര്, സുധീര് ചൈതന്യ, സ്വാമി ശിവാനന്ദ തീര്ത്ഥ, സ്വാമിനി ലളിതാനന്ദ സരസ്വതി, സുധാദേവി തമ്പുരാട്ടി (പൂഞ്ഞാര് കൊട്ടാരം), കെ.എ. മുരളി (കുമാരനല്ലൂര് ഊരാണ്മ ദേവസ്വം), അയ്മനം രഞ്ജിത് ശാന്തി, പി.ജി. ബാലകൃഷ്ണപിള്ള (ഏറ്റൂമാനൂര് ക്ഷേത്രോപദേശക സമിതി), കുടമാളൂര് രാധാകൃഷ്ണന് (മതപാഠശാല, അധ്യാപക പരിഷത്ത്) വി. മോഹനന് (വിഎച്ച്പി), വി.എസ്. രാമസ്വാമി (ക്ഷേത്ര സംരക്ഷണസമിതി), സി.പി. സന്തോഷ് ശാന്തി (ശ്രീനാരായണ വൈദിക സമിതി), തിരുനക്കര മധുസൂദന വാര്യര്, പി.കെ. വ്യാസന് അമനകര (ഭാഗവതാചാര്യര്), തന്ത്രി സുധീഷ് ആചാര്യന് (പത്തനംതിട്ട) ഡി. പാര്വതി അമ്മ (സെക്രട്ടറി, ചിന്മയമിഷന്, കോട്ടയം), വി.എസ്. വിജയന് (സിദ്ധിവിനായക ക്ഷേത്രം, എരുമേലി), എരമലൂര് ഉഷേന്ദ്രന് തന്ത്രി എന്നിവര് പങ്കെടുത്തു.
സംസ്ഥാനത്ത് എല്ലാ ജില്ലകളിലും ആചാര്യന്മാരെ പങ്കെടുപ്പിച്ചുള്ള ധര്മാചാര്യസഭ നടത്തിയതിന് ശേഷം ഡിസംബറില് സംസ്ഥാന തലത്തില് ധര്മാചാര്യ സംഗമം നടത്തുമെന്നും സ്വാമി ചിദാനന്ദപുരി പറഞ്ഞു. ജില്ലാ കണ്വീനറായി ജയപ്രകാശിനെ തെരഞ്ഞെടുത്തു.
