കുവൈത്ത് സിറ്റി : കഴിഞ്ഞ 16 വര്ഷത്തിനിടയില് വിദേശികളുടെ ആരോഗ്യ ഇന്ഷുറന്സ് ഫീസ് ഇനത്തില് 100 കോടി 93 ലക്ഷം ദിനാര് ലഭിച്ചതായി റിപ്പോര്ട്ട്. 33 ലക്ഷം വിദേശികളാണ് ഈ കാലയളവില് താമസ രേഖ സ്റ്റാമ്പ് ചെയ്യുന്നതിനു മുന്നോടിയായി ആരോഗ്യ ഇന്ഷുറന്സ് ഫീസ് അടച്ചത്.
ആരോഗ്യമന്ത്രാലയത്തിന്റെ അക്കൗണ്ടിലേക്ക് നിക്ഷേപിച്ചിരിക്കുന്ന ഈ തുക ഉപയോഗിച്ച് വിദേശികള്ക്ക് മാത്രമായി അത്യാധുനിക സൗകര്യത്തിലുള്ള ആശുപത്രി നിര്മ്മിക്കാന് ആലോചന ഉണ്ടായിരുന്നുവെങ്കിലും ഇത് വരെ തീരുമാനമായിട്ടില്ല. ഫര്വാനിയ , സബാഹ് ഹോസ്പിറ്റല് , ജാബിരിയ , ജഹറ , ഫഹാഹീല് എന്നിവിടങ്ങളിലായാണ് ആരോഗ്യ ഇന്ഷുറന്സ് ഫീസ് സമാഹരണ കേന്ദ്രങ്ങള് പ്രവര്ത്തിച്ചു വന്നിരുന്നത്.
ഓണ്ലൈന് സംവിധാനം ഈ വര്ഷം ജനുവരി മുതല് ആരംഭിച്ചിരുന്നുവെങ്കിലും പുറം കരാര് സേവന കേന്ദ്രങ്ങള് വഴിയും ഫീസ് സ്വീകരിച്ചു വന്നിരുന്നു. എന്നാല് ഈ മാസം 28 നാണ് ആരോഗ്യമന്ത്രാലയവുമായുള്ള കമ്പനിയുടെ കരാര് കാലാവധി അവസാനിക്കുന്നത്. ഇതോടെ ഇന്ഷുറന്സ് ഫീസ് സ്വീകരിക്കുന്നത് പൂര്ണ്ണമായും ഓണ് ലൈന് സംവിധാനം വഴി മാത്രമായി മാറും.
