അമല പോള് നായികയാകുന്ന ‘ആടൈ’ സിനിമയ്ക്കു വിലക്ക് ഏര്പ്പെടുത്തണമെന്നാവശ്യപ്പെട്ട് സാമൂഹ്യപ്രവര്ത്തകയുമായ പ്രിയ രാജേശ്വരി രംഗത്ത്. നടി അമല പോളിനെതിരെയും ചിത്രത്തിനെതിരെയും പ്രിയ, ഡിജിപിക്ക് പരാതി നല്കി.
ആടൈ സിനിമയിലെ നഗ്നരംഗങ്ങള് യുവാക്കളെ മോശമായി സ്വാധീനിക്കുമെന്നും ഇത് സ്ത്രീകള്ക്കെതിരായ ലൈംഗിക ആക്രമണങ്ങള് വര്ധിക്കാന് ഇടയാക്കുമെന്നും പ്രിയ പറഞ്ഞു. നഗ്നത ഉപയോഗപ്പെടുത്തി ഈ ചിത്രം പ്രചാരണം ചെയ്യരുതെന്നാണ് പരാതിയില് പറഞ്ഞിരിക്കുന്നത്.
വെറും കച്ചവട ലാഭത്തിനായി പെണ്കുട്ടികളെ മുഴുവന് ഇവര് മോശമായി ചിത്രീകരിക്കുകയാണ്. അതിനെതിരെ നടപടിയെടുക്കണം. തമിഴ് സംസ്കാരത്തെപറ്റി യാതൊന്നും അറിയാത്ത നടിയാണ് അമല. അവര് മറ്റൊരു സംസ്ഥാനത്തു നിന്നുമാണ് ഇവിടെ വരുന്നത്. തമിഴ് പെണ്കുട്ടികളെപറ്റിയും അവര്ക്ക് അറിയില്ല. പണത്തിനു വേണ്ടിയും കച്ചവടത്തിനുവേണ്ടിയും അമല എന്തും ചെയ്യും. ആടൈ പോസ്റ്റര് കാണുന്ന പത്തുവയസ്സുകാരന്റെ ചിന്ത എന്താകും. ഇതെല്ലാം ചിന്തിക്കേണ്ട കാര്യമാണ് അവര് പറയുന്നു.
ഇവിടെ മൂന്ന് വയസ്സുകാരിയും പത്ത് വയസ്സുകാരിയും പീഡനത്തിന് ഇരയാകുന്നു.ഇങ്ങനെയൊരു സാഹചര്യത്തില് ഇത്തരം സിനിമകള് നാടിന് ആവശ്യമില്ല. അതിപ്പോള് എത്ര നല്ല കഥയാണെന്നു പറഞ്ഞാലും. ഇത് തടയാന് ആളുകള് മുന്നോട്ടുവരണം. നഗ്നത ഉപയോഗിച്ച് ഒരു സിനിമയും ഇവിടെ റിലീസ് ചെയ്യേണ്ട.
തന്റെ നഗ്നത മറയ്ക്കാന് പതിനഞ്ച് പുരുഷന്മാര് സഹായത്തിന് ഉണ്ടായിരുന്നുവെന്ന് അമല പോള് പറയുകയുണ്ടായി. ഇത്തരം പ്രസ്താവനകളെ അവഗണിക്കണം. പതിനഞ്ച് പേരെ ഭര്ത്താക്കന്മാരായി കണ്ടെന്നായിരുന്നു നടി പറഞ്ഞത്. മാത്രമല്ല പാഞ്ചാലിയെക്കുറിച്ചും നടി പറയുകയുണ്ടായി. പാഞ്ചാലിയെക്കുറിച്ച് പറയാന് അവര്ക്ക് എന്ത് അവകാശമാണ് ഉള്ളത്.
