ന്യൂദല്ഹി : പാര്ലമെന്റ് സമ്മേളനത്തില് പങ്കെടുക്കാതെ മുങ്ങിയ എംപിമാര്ക്കെതിരെ നടപടി സ്വീകരിക്കാനൊരുങ്ങി പ്രധാനമന്ത്രി നരേന്ദ്രമോദി. പാര്ലമെന്റ് യോഗത്തില് പങ്കെടുക്കാതെ ഉഴപ്പുന്ന നേതാക്കളുടെ പട്ടിക ഓരോ ദിവസവും വൈകുന്നേരം നല്കണമെന്നും മോദി നിര്ദ്ദേശം നല്കിയിട്ടുണ്ട്. ചൊവ്വാഴ്ച നടന്ന ബിജെപി പാര്ലമെന്ററി പാര്ട്ടി യോഗത്തിലാണ് പ്രധാനമന്ത്രി ഇക്കാര്യം ആവശ്യപ്പെട്ടത്.
യോഗത്തില് പങ്കെടുക്കാത്തവരുടെ പേരുകള് നല്കാന് പാര്ലമെന്ററി കാര്യമന്ത്രി പ്രഹ്ലാദ് ജോഷിക്കാണ് മോദി നിര്ദ്ദേശം നല്കിയിരിക്കുന്നത്. ഈ മാസം തുടക്കത്തിലും പാര്ലമെന്റ് സമ്മേളനത്തിന് എത്താതെ മുങ്ങിയ പാര്ട്ടി അംഗങ്ങളെ മോദി രൂക്ഷമായി വിമര്ശിച്ചിരുന്നു.
രാഷ്ട്രീയത്തിന്റെ അതിര് വരമ്പുകളില്ലാതെ ജനങ്ങള്ക്ക് വേണ്ടി പ്രവര്ത്തിക്കണമെന്നും രാജ്യത്ത് വ്യാപകമായിക്കൊണ്ടിരിക്കുന്ന കുടിവെള്ള പ്രശ്നം പരിഹരിക്കാന് ഓരോ എംപിമാരും തങ്ങളുടെ മണ്ഡലങ്ങളിലെ ബന്ധപ്പെട്ട ഉദ്യോഗസ്ഥരുമായി യോഗം ചേരണമെന്നും മോദി അംഗള്ക്ക് നിര്ദ്ദേശം നല്കി. കൂടാതെ ക്ഷയം, കുഷ്ഠരോഗം തുടങ്ങിയവ നിര്മാര്ജനം ചെയ്യുന്നതിന് പ്രത്യേക ദൗത്യങ്ങള് ഏറ്റെടുക്കണമെന്നും മോദി പാര്ലമെന്റ് അംഗങ്ങളോട് ആവശ്യപ്പെട്ടിട്ടുണ്ട്.
