കുവൈറ്റ് സിറ്റി : നിറക്കൂട്ട് കുവൈറ്റ് ഈ വര്ഷത്തെ പ്രവര്ത്തനോത്ഘാടനവും, സാജന് അനുസ്മരണവും അബ്ബാസിയയില് സംഘടിപ്പിച്ചു. പ്രസിഡന്റ് അക്ബര് കുളത്തൂപ്പുഴയുടെ അദ്ധ്യക്ഷതയില് ചേര്ന്ന യോഗത്തില്, മരണപ്പെട്ട സ്ഥാപകാംഗം സുനില്കുമാറിന്റെ കുടുംബത്തിനു നീണ്ട ഒരു വര്ഷക്കാലം സഹായമെത്തിക്കുവാനും പ്രവാസികള് നേരിടുന്ന പ്രശ്നങ്ങള്ക്ക് കഴിയും വിധം സഹായങ്ങള് ചെയ്യുവാനും യോഗം തീരുമാനിച്ചു.
മരണപ്പെട്ട സാജന് പ്രവാസലോകത്തെ രക്തസാക്ഷിയാണെന്നും, രാഷ്ട്രീയത്തിന്നതീതമായി വിഷയത്തെ ഓരോ മലയാളികളും കാണേണ്ടതുണ്ടെന്നു യോഗം വിലയിരുത്തി. ലത്തീഫ് ചാവക്കാട് സ്വാഗതം പറഞ്ഞ ചടങ്ങില്, ദീലീപ് തുളസി, രതീഷ്, അജയ്ഘോഷ്, ഷാജിമാത്യു, ജ്യോതി, കവിത, മോളി, ഉല്ലാസ് എന്നിവര് സംസാരിച്ചു. സനീഷ്നാരായണന് നന്ദി അറിയിച്ചു.
