ചേര്ത്തല : ലോട്ടറി ഏജന്റിന് തന്നെ ഒന്നാം സമ്മാനം നല്കി കാരുണ്യ ലോട്ടറി നറുക്കെടുപ്പ്. തൈക്കാട്ടുശേരി മാക്കേക്കടവ് പുളിക്കല് പുഷ്പ്പശരനാണ് ശനിയാഴ്ച കാരുണ്യ ഭാഗ്യക്കുറിയുടെ 80 ലക്ഷം രൂപ ഒന്നാം സമ്മാനം അടിച്ചത്. വിറ്റുപോകാതിരുന്ന മൂന്ന് ടിക്കറ്റില് ഒരെണ്ണമാണ് ഒന്നാം സമ്മാനമടിച്ചത്.
നറുക്കെടുപ്പ് നടക്കുമ്പോള് പുഷ്പ്പശരന് തൃശൂരില് മകളുടെ വീട്ടിലായിരുന്നു. അവിടെ വച്ചാണ് തനിക്ക് ലോട്ടറി അടിച്ച വിവരം പുഷ്പ്പശരന് അറിയുന്നത്. രജിസ്ട്രേഷന് വകുപ്പ് ജീവനക്കാരനായി വിരമിച്ച പുഷ്പ്പശരന് ഒരു വര്ഷം മുമ്പാണ് മാക്കേക്കടവില് ‘ഗുരുനാഥന് ലക്കി സെന്റര്’ എന്ന പേരില് ഭാഗ്യക്കുറി ഏജന്സി ആരംഭിച്ചത്.
മാക്കേക്കടവ് 503ാം നമ്ബര് കയര് വ്യവസായ സഹകരണ സംഘത്തിന്റെ പ്രസിഡന്റ്, സിപിഐ ലോക്കല് കമ്മിറ്റി അംഗം, എകെഡിഎസ് മണപ്പുറം ശാഖ സെക്രട്ടറി എന്നീ നിലകളില് പ്രവര്ത്തിച്ചിട്ടുണ്ട്. ഭാര്യ സതി,മ മക്കള് ഷിബു, ഷിജി, ഷിലേഷ്.
