ന്യൂദല്ഹി: ബജറ്റ് അവതരണത്തിനുള്ള ഒരുക്കങ്ങള് ധനമന്ത്രാലയത്തില് അവസാന ഘട്ടത്തില്. ബജറ്റ് അച്ചടിക്കുന്നതിനുള്ള നടപടികള് അരംഭിച്ചു. ഇതിന് മുന്നോടിയായി പരമ്പരാഗതമായി നടത്താറുള്ള മധുരം വിളമ്പല് ചടങ്ങും നടന്നു.
കേന്ദ്ര ധനമന്ത്രി നിര്മല സീതാരാമന്, സഹമന്ത്രി അനുരാഗ് താക്കൂര്, ധനവകുപ്പ് സെക്രട്ടറി സുഭാഷ് ചന്ദ്ര ഗാര്ഗ്, റവന്യൂ സെക്രട്ടറി അജയ് ഭൂഷണ് പാണ്ഡെ തുടങ്ങിയവര് പങ്കെടുത്തു. മന്ത്രിമാര് ഉദ്യോഗസ്ഥര്ക്ക് ഹല്വ വിതരണം ചെയ്തു. മധുരം വിളമ്പിയാണ് എല്ലാ വര്ഷവും അച്ചടി ആരംഭിക്കുന്നത്.
മന്ത്രാലയത്തിന്റെ താഴത്തെ നിലയിലാണ് പ്രസ്. ബജറ്റ് അവതരണം പൂര്ത്തിയാകുന്നതു വരെ ഉദ്യോഗസ്ഥര് നോര്ത്ത് ബ്ലോക്കിലെ മന്ത്രാലയത്തില് തന്നെ കഴിയണം. ഇവര്ക്ക് വീട്ടില് പോകാനോ പുറത്തുള്ളവരെ ഫോണില് ബന്ധപ്പെടാനോ അനുവാദമില്ല.
ബജറ്റ് ചോരുന്നത് ഒഴിവാക്കാനും രഹസ്യ സ്വഭാവം നിലനിര്ത്തുന്നതിനുമാണിത്. ജൂലായ് അഞ്ചിനാണ് ബജറ്റ് അവതരണം. നാലിന് സാമ്പത്തിക സര്വെ അവതരിപ്പിക്കും. രണ്ടാം മോദി സര്ക്കാരിന്റെയും നിര്മല സീതാരാമന്റെയും ആദ്യ ബജറ്റാണിത്.
