മേല്‍പ്പുത്തൂരിന്റെ ശ്രീപാദസപ്തതി

സിന്ദൂരാരുണമുജ്ജ്വലം നയനയോ-

  രാനന്ദസന്ദോഹനം

 വിശ്വവ്യാപിമനോരമം കലയതാം

 സന്താപവിധ്വംസനം

 തേജോമണ്ഡലമാത്മനിസ്ഫുരതു മേ

 ഭൂയസ്തദന്തര്‍ഗ്ഗതം

 ലാവണ്യായതനം സ്വരൂപമപി തേ

 മുക്തിസ്ഥലസ്ഥേ ശിവേ!

മുക്തിസ്ഥലയില്‍വാഴും ദേവീ, നയനാനന്ദകരമായതും മനോരഞ്ജകവും, സന്താപഘ്‌നവുമായ സിന്ദൂരാരുണപ്രഭ എന്റെയുള്ളില്‍ ഉജ്ജ്വലമാകട്ടെ! അതിനെയുള്‍ക്കൊള്ളുന്ന ലാവണ്യസുന്ദരമായ ആ സ്വരൂപവും എന്റെയുള്ളില്‍ പ്രോജ്ജ്വലിക്കട്ടെ!