കൊച്ചി: ഡോ. സെബാസ്റ്റിയന് പോളിന് ചുട്ട മറുപടി നല്കി ടൊവിനോ തോമസ്. ഇപ്പോഴായിരിക്കാം ജനാധിപത്യത്തിലെ പ്രായപൂര്ത്തിയായത് എന്ന ചോദ്യമുയര്ത്തിയുള്ള സെബാസ്റ്റ്യന് പോളിന്റെ ഫെയ്സ്ബുസക്ക് പോസ്റ്റിനെ വിമര്ശിച്ചാണ് ടൊവിനോ രംഗത്തെത്തിയത്. മോഹന്ലാലിനേയും ടൊവിനോയേയും ഉള്പ്പെടുത്തിയായിരുന്നു സെബാസ്റ്റിയന് പോളിന്റെ പോസ്റ്റ്. ടൊവിനോയുടെ വിമര്ശനത്തിലെ വാക്കുകളില് നിന്ന് പാഠം ഉള്ക്കണ്ടാകണം സെബാസ്റ്റ്യന് പോള് ഖേദവും പ്രകടിപ്പിച്ചു.
സെബാസ്റ്റിയന് പോളിന്റെ പോസ്റ്റ് ഇങ്ങനെ:- ചില താരങ്ങള് കന്നിവോട്ട് ചെയ്തതായി വാര്ത്ത കണ്ടു. മോഹന്ലാലും ടൊവിനോ തോമസും അക്കൂട്ടത്തില് പെടുന്നു. ഇരുവര്ക്കും ഇപ്പോഴായിരിക്കാം ജനാധിപത്യത്തിലെ പ്രായപൂര്ത്തിയായത്. ഫഹദ് ഫാസില് പതിവായി വോട്ട് ചെയ്യുന്ന ആളാണ്. വോട്ട് ഉണ്ടെങ്കില് മമ്മൂട്ടി ചെയ്യും. പോളിങ് ബൂത്തിലേക്ക് വരാന് വൈമുഖ്യമുള്ളവര് ദേശാഭിമാനികളും രാജ്യസ്നേഹികളുമായി വാഴ്ത്തപ്പെടുന്നു. സിവില് ബഹുമതിയും സൈനിക ബഹുമതിയും നല്കി അവരെ ആദരിക്കുന്നു. പദ്മങ്ങള് അവര്ക്കായി വിടരുന്നു. ഹിമാചല് പ്രദേശിലെ ശ്യാം സരണ് നേഗിയെ അറിയുമോ? താരമോ വിഐപിയോ അല്ല. ആദ്യത്തെ തിരഞ്ഞെടുപ്പിലെ ആദ്യത്തെ വോട്ടറായിരുന്നു നേഗി. ഇപ്പോള് വയസ് 102. പതിനേഴാമത്തെ ലോക്സഭാ തിരഞ്ഞെടുപ്പിലും നേഗി വോട്ട് ചെയ്യും. നേഗിയെ ഭാരതരത്നം നല്കി ആദരിക്കണം.ജനാധിപത്യത്തിലെ മുത്താണ് അയാള്. അമൂല്യമായ മുത്ത്. ലോകത്തിലെ ഏറ്റവും വലിയ ജനാധിപത്യത്തിലെ അതിവിശിഷ്ടനായ വ്യക്തി.
ടൊവിനോയുടെ കമന്റ് ബോക്സിലെ വിമര്ശനം:- അങ്ങയോടുള്ള ബഹുമാനം നിലനിര്ത്തിക്കൊണ്ടു പറയട്ടെ , ഇങ്ങനെ മണ്ടത്തരം പറഞ്ഞു തെറ്റിദ്ധാരണ പരത്തരുത് . ഇത്തവണ ഞാന് ചെയ്തത് എന്റെ കന്നി വോട്ട് അല്ല. Was the first one to vote from my polling station എന്ന് ഞാന് എഴുതിയതിന്റെ അര്ത്ഥം എന്റെ പോളിംഗ് സ്റ്റേഷനില് ഇന്ന് ആദ്യം വോട്ട് ചെയ്തത് ഞാന് ആണ് എന്ന അര്ത്ഥത്തിലാണ്. അതിന്റെ അര്ത്ഥം അങ്ങനെ തന്നെ ആണെന്ന് ഇപ്പോഴും ഞാന് വിശ്വസിക്കുന്നു. അങ്ങയെപ്പോലെ ഇത്രയും വിവരവും വിദ്യാഭ്യാസവും ഉള്ള ഒരാള് കാര്യങ്ങള് ശരിയായി മനസ്സിലാക്കാതെ ഇങ്ങനെ ഇവിടെ കുറിക്കുന്നത് അങ്ങേക്ക് തന്നെ അപഹാസ്യമാണ്. പിന്നെ എനിക്ക് പ്രായപൂര്ത്തി ആയതിന് ശേഷമുള്ള എല്ലാ തിരഞ്ഞെടുപ്പിനും ഞാന് എവിടെയാണെങ്കിലും അവിടുന്ന് എന്റെ നാടായ ഇരിങ്ങാലക്കുടയില് വന്ന് എന്റെ വോട്ട് രേഖപ്പെടുത്താറുണ്ട്. ആവശ്യമെങ്കില് സാറിനു അന്വേഷിക്കാന് വഴികള് ഉണ്ടല്ലോ. അന്വേഷിച്ചു ബോധ്യപ്പെടൂ. നന്ദി.
തുടര്ന്ന് സെബാസ്റ്റിയന് പോള് ഖേദം പ്രകടിപ്പിച്ച് രംഗത്ത് വന്നു:- ടോവിനോയുടെ കുറിപ്പ് തെറ്റായി മനസിലാക്കി പ്രതികരിച്ചതില് ഖേദിക്കുന്നു. ജനാധിപത്യത്തോടുള്ള ഈ യുവനടന്റെ പ്റതിബദ്ധത വിശദമാക്കാന് ഈ തെറ്റ് അവസരമായി. വിശദീകരണത്തിന്റെ അടിസ്ഥാനത്തില് എന്റെ കുറിപ്പില്നിന്ന് ടൊവിനോയുടെ പേര് ഒഴിവാക്കുന്നു.
