കൊല്ക്കത്ത: ഇമ്രാന് താഹിറിന്റെ തിരിയുന്ന പന്തുകളും സുരേഷ് റെയ്നയുടെ വെടിക്കെട്ട് ബാറ്റിങ്ങും ചെന്നൈ സൂപ്പര് കിങ്സിന് വിജയമൊരുക്കി. ഐപിഎല്ലില് അവര് കൊല്ക്കത്ത നൈറ്റ്് റൈഡേഴ്സിനെ അഞ്ചു വിക്കറ്റിന് തോല്പ്പിച്ചു. എട്ട് മത്സരങ്ങളില് ചെന്നൈയുടെ ഏഴാം വിജയമാണിത്. പതിനാല് പോയിന്റുമായി അവര് ഒന്നാം സ്ഥാനത്ത്് തുടരുകയാണ്.
താഹിര് നാലു വിക്കറ്റുകള് പിഴുതെടുത്തതോടെ കൊല്ക്കത്ത നൈറ്റ് റൈഡേഴ്സ് ഇരുപത് ഓവറില് എട്ട് വിക്കറ്റിന് 161 റണ്സിലൊതുങ്ങി. തുടര്ന്ന് റെയ്നയുടെ ബാറ്റില് നിന്ന്് റണ്സ് ഒഴുകിയതോടെ ചെന്നൈ 19.4 ഓവറില് അഞ്ചു വിക്കറ്റിന് 162 റണ്സ് എടുത്തു. 42 പന്തില് ഏഴുഫോറും ഒരു സിക്സറും അടിച്ച് റെയ്ന 58 റണ്സുമായി അജയ്യനായി നിന്നു.ഏഴാമനായി ഇറങ്ങി ജഡേജയും ചെന്നൈയുടെ വിജയത്തിന് നിര്ണായ പങ്കു വഹിച്ചു. അവസാന ഓവറുകളില് തകര്ത്തടിച്ച ജഡേജ 17 പന്തില് 31 റണ്സുമായി കീഴടങ്ങാതെ നിന്നു.
ഫാ ഡു പ്ലെസിസ് പതിനാറ് പന്തില് 24 റണ്സ് നേടി. കേദാര് ജാദവ് ഇരുപത് റണ്സിനും ക്യാപ്റ്റന് ധോണി പതിനാറ് റണ്സിനും പുറത്തായി. ഓപ്പണര് ക്രിസ് ലിന്നിന്റെ മികവിലാണ് കൊല്ക്കത്ത നൈറ്റ് റൈഡേഴ്സ് 161 റണ്സ് നേടിയത്. തകര്ത്തടിച്ച ലിന് 51 പന്തില് 82 റണ്സ് എടുത്തു. ഏഴു ഫോറും ആറു സിക്സറുകളും ലിന്നിന്റെ ബാറ്റില് നിന്ന് അതിര്ത്തികടന്നുപോയി.
ഓപ്പണര് സുനില് നരെയ്ന് രണ്ട് റണ്സിന് പുറത്തായെങ്കിലും ലിന് പൊരുതി നിന്നു. എന്.റാണയ്ക്കൊപ്പം രണ്ടാം വിക്കറ്റില് 41 റണ്സ് കൂട്ടിച്ചേര്ത്തു. റാണ പതിനെട്ട്് പന്തില് 21 റണ്സ് നേടി. താഹിറിന് വിക്കറ്റ് സമ്മാനിച്ചാണ് റാണ മടങ്ങിയത്. തുടര്ന്നെത്തിയ ഉത്തപ്പ പൂജ്യത്തിന് പുറത്തായി. താഹിറിനാണ് വിക്കറ്റ്്.
ക്യാപ്റ്റന് ദിനേശ് കാര്ത്തിക്കിനും പിടിച്ചുനില്ക്കാനയില്ല. പതിനാല് പന്തില് 18 റണ്സുമായി മടങ്ങി. താഹിറാണ് കാര്ത്തിക്കിനെയും മടക്കിയത്. വെടിക്കെട്ട്് ബാറ്റ്സ്മാന് റസ്സലും അനായാസം കീഴടങ്ങിയതോടെ കൊല്ക്കത്തയുടെ വമ്പന് സ്കോറെന്ന സ്വപ്നം തകര്ന്നു. നാല് പന്തില് ഒരു ഫോറും ഒരു സിക്സറും അടിച്ച് പത്ത് റണ്സ് നേടിയ റസ്സല് താഹിറിന്റെ പന്തില് പകരക്കാന് ഷോറിക്ക് പിടികൊടുത്തു. ഗുബ്മാന് ഗില്ലിന് മികവ് കാട്ടാനായില്ല. ഇരുപത് പന്തില് 15 റണ്സേ നേടാനായുള്ളൂ. താക്കുറിന്റെ പന്തില് ജഡേജക്ക് ക്യാച്ച് നല്കി.
ചെന്നൈയ്ക്കായി സ്പിന്നര് ഇമ്രാന് താഹിര് നാല് ഓവറില് 27 റണ്സിന് നാലു വിക്കറ്റുകള് വീഴ്ത്തി. താക്കുര് രണ്ട് വിക്കറ്റും സാന്റര് ഒരു വിക്കറ്റും എടുത്തു. ടോസ് നേടിയ ചെന്നൈ ഫീല്ഡിങ്ങ് തെരഞ്ഞെടുക്കുകയായിരുന്നു.’
സ്കോര്ബോര്ഡ്
കൊല്ക്കത്ത നൈറ്റ് റൈഡേഴ്സ്: സി.എ. ലിന് സി താക്കുര് ബി ഇമ്രാന് താഹിര് 82, എസ്.പി. നരെയ്ന് സി ഡു പ്ലെസിസ് ബി സാന്റര് 2, എന്.റാണ സി ഡുപ്ലെസിസ് ബി ഇമ്രാന് താഹിര് 21, ആര്.വി.ഉത്തപ്പ സി ഡുപ്ലെസിസ് ബി ഇമ്രാന്
താഹിര് 0, കെ.ഡി.കാര്ത്തിക് സി ഡു പ്ലെസിസ് ബി ഇമ്രാന് താഹിര് 18, എ.ഡി. റസ്സല് സി സബ് (ഡി.ആര്.ഷോറി) ബി ഇമ്രാന് താഹിര് 10, ശുബ്മന് ഗില് സി ജഡേജ ബി താക്കുര് 15, പി.പി. ചൗള നോട്ടൗട്ട് 4, കുല്ദീപ് യാദവ് റണ് ഔട്ട് 0, എക്സ്ട്രാസ് 9, ആകെ ഇരുപത് ഓവറില് എട്ട് വിക്കറ്റിന് 161.
വിക്കറ്റ് വീഴ്ച 1-38, 2-79, 3-80, 4-122, 5-132, 6-150, 7-161, 8-161.
ബൗളിങ്: ഡി.എല്. ചഹാര് 4-0-36-0, എസ്.എന്. താക്കുര് 4-0-18-2, എം.ജെ.സാന്റര് 4-0-30-1, ആര്.എ. ജഡേജ 4-0-49-0, ഇമ്രാന് താഹിര് 4-0-27-4.
ചെന്നൈ സൂപ്പര് കിങ്സ്: എസ്.ആര്.വാട്സണ് എല്ബിഡബ്ളിയു ബി ഗുര്ണെ 6, ഫാ ഡു പ്ലെസിസ് ബി നരെയ്ന് 24, എസ്.കെ. റെയ്ന നോട്ടൗട്ട് 58 , എ.ടി. റായ്ഡു സി ഉത്തപ്പ ബി ചൗള 5, കെ.എം.ജാദവ് എല്ബിഡബ്ളിയു ബി ചൗള 20, എം.എസ് ധോണി എല്ബിഡബ്ളിയു ബി നരെയ്ന് 16, ആര്.എ.ജഡേജ നോട്ടൗട്ട് 31, എക്സ്ട്രാസ് 2, ആകെ 19.4 ഓവറില് 162.
വിക്കറ്റ് വീഴ്ച: 1-29, 2-44, 3-61, 4-81, 5-121.
ബൗളിങ്: പ്രദീഷ് കൃഷ്ണ 4-0-30-0, ഗുര്ണെ 4-0-37-1, റസ്സല് 1-0-16-0, എസ്.പി. നരെയ്ന് 4-1-19-2, കുല്ദീപ് യാദവ് 3-0-28-0, പി.പി. ചൗള 3.4-0-32-2.
