ന്യൂദല്ഹി: ഏകദിന ക്രിക്കറ്റില് ഇന്ത്യക്ക് എം.എസ് ധോണിയുടെ സാന്നിധ്യം നിര്ണായകമെന്ന് മുന് ഓസീസ് നായകന് മൈക്കിള് ക്ലാര്ക്ക്. ധോണിയുടെ അഭാവമാണ് ഓസ്ട്രേലിയക്കെതിരായ അവസാന മത്സരങ്ങളില് ഇന്ത്യക്ക് തിരിച്ചടിയായത്.
പലപ്പോഴും മധ്യനിരയെ പിടിച്ചുനിര്ത്താന് ആളില്ലാതെ വിഷമിച്ചു. രണ്ട് തവണ ലോകകപ്പ് നേടിയ ധോണി ഏതു സാഹചര്യത്തിലും പിടിച്ചുനില്ക്കാന് കെല്പ്പുള്ള താരമാണ്. ആദ്യ രണ്ട് മത്സരങ്ങളും വിജയിച്ച ഇന്ത്യ അവസാന മൂന്ന് മത്സരങ്ങള് തോറ്റാണ് പരമ്പര കളഞ്ഞുകുളിച്ചത്.
അവസാന രണ്ട് മത്സരങ്ങളില് ധോണിക്ക് വിശ്രമം അനുവദിച്ചിരുന്നു. ബാറ്റിങ്ങിലും കീപ്പിങ്ങിലും ധോണിയുടെ അഭാവം പ്രകടമായിരുന്നു. കഴിഞ്ഞ ഓസീസ്, ന്യൂസിലന്ഡ് പരമ്പര മുതല് ഫോമിലേക്ക് മടങ്ങിയെത്തിയ ധോണി മികച്ച പ്രകടനം നടത്തുന്നുണ്ട്.
