ആലുവ : ശിവരാത്രിയോടനുബന്ധിച്ചുള്ള ആലുവ മണപ്പുറത്തെ ഒരുക്കങ്ങള് പൂര്ത്തിയായി. ഇതിനോടനുബന്ധിച്ച് മണപ്പുറത്തെ ക്ഷേത്രത്തിന്റെ അമ്പത് മീറ്റര് ചുറ്റളവില് വഴിയോര കച്ചവടങ്ങള്ക്ക് നിരോധനം ഏര്പ്പെടുത്തി. കൂടാതെ ആലുവ നഗരസഭയെ യാചക നിരോധന മേഖലയായി ശനിയാഴ്ച മുതല് പ്രഖ്യാപിച്ചിട്ടുണ്ട്.
കുളിക്കടവിലും പുഴയിലും ലൈഫ് ബാഗ് ഉള്പ്പെടെയുള്ള ബോട്ടുകള് ഒരു സിഐയുടെ നേതൃത്വത്തില് പെട്രോളിങ്ങും നടത്തുന്നുണ്ട്. ആവശ്യത്തിനുള്ള ആംബുലന്സ് സര്വീസ്, മെഡിക്കല് ഓഫീസേഴ്സിന്റെ നേതൃത്വത്തില് പ്രവര്ത്തിക്കും. ആലുവ റെയില്വേ സ്റ്റേഷനിലെ തിരക്ക് നിയന്ത്രിക്കുന്നതിന്, പ്രത്യേകമായി പോലീസിനെ വിന്യസിക്കും. പ്രധാനപ്പെട്ട ജങ്ഷനുകളിലും തിരക്കുള്ള സ്ഥലങ്ങളും നിരീക്ഷിക്കുന്നതിനായി സിസിടിവി ക്യാമറകളും സ്ഥാപിച്ചിട്ടുണ്ട്.
പ്രദേശത്ത് തിങ്കള്, ചൊവ്വ ദിവസങ്ങളില് മദ്യവില്പ്പനയ്ക്കും ഉപഭോഗത്തിനും നിരോധനവും ഏര്പ്പെടുത്തിയിട്ടുണ്ട്. ശിവരാത്രി മണപ്പുറത്തേക്ക് ബലിയിടുന്നതിനും ബലിതര്പ്പണത്തിനും പോകുന്ന തിരക്ക് ഒഴിവാക്കുന്നതിനായി, ഡ്യൂട്ടിയിലുള്ള പോലീസ് ഉദ്യോഗസ്ഥരുടെ നിര്ദേശങ്ങള് പാലിക്കണമെന്നും നിര്ദ്ദേശം നല്കിയിട്ടുണ്ട്.
