കൊച്ചി: ഗ്രേറ്റ് കേരള ഷോപ്പിങ് ഉത്സവത്തിന് (ജികെഎസ്യു) ഉപഭോക്താക്കളില് നിന്ന് ആവേശകരമായ പ്രതികരണം. ഇതിനകം പതിനായിരക്കണക്കിനു സമ്മാനങ്ങള് ഉപഭോക്താക്കളിലെത്തി. നാലു കോടിയിലധികം രൂപയുടെ സമ്മാനങ്ങളാണ് ഉപഭോക്താക്കളെ കാത്തിരിക്കുന്നത്.
കല്യാണ് ഗ്രൂപ്പ് നല്കുന്ന ഒരു കോടി രൂപ വിലയുള്ള ഫ്ളാറ്റ് ആണ് ബമ്പര് സമ്മാനം. നറുക്കെടുപ്പിലൂടെ ദിവസേനയുള്ള സമ്മാനങ്ങള് കൂടാതെ പങ്കെടുക്കുന്ന ഓരോ വ്യക്തിക്കും കല്യാണ് ജൂവലേഴ്സ് നല്കുന്ന 1,000 രൂപയുടെ ഡിസ്ക്കൗണ്ട് വൗച്ചര്. ദിവസവും ആയിരത്തോളം സമ്മാനങ്ങള്. ജിഎസ്ടി രജിസ്ട്രേഷനുള്ള ഏതു കടയില് നിന്നും 1,000 രൂപയ്ക്കു മേല് സാധനം വാങ്ങിയാല് ജികെഎസ്യു എന്ന് വാട്സ്ആപ് ചെയ്യുന്നവരില് നിന്നു നറുക്കിട്ടാണു സമ്മാനങ്ങള്.
പ്രളയക്കെടുതികളില് നിന്നു കേരളത്തിന്റെ വാണിജ്യരംഗം ഉണരുന്നതിന്റെ സൂചനകള് നല്കുന്നതാണ്, ഗ്രേറ്റ് കേരള ഷോപ്പിങ് ഉത്സവത്തിന് ഇതുവരെ ലഭിച്ച മികച്ച പ്രതികരണം. ജികെഎസ്യു ഞായറാഴ്ച സമാപിക്കും.
ഈ ആഴ്ച ആവേശകരമായ പ്രതികരണമാണു ജികെഎസ്യുവിന്റെ സംഘാടകരായ കേരളത്തിലെ പത്ര, ടെലിവിഷന്, ഓണ്ലൈന് മാധ്യമക്കൂട്ടായ്മയും വ്യാപാരി സമൂഹവും പ്രതീക്ഷിക്കുന്നത്. ആയുഷ് ആയുര്വേദ ഉത്പന്നങ്ങള് നല്കുന്ന 1,000 രൂപയുടെ വീതമുള്ള ഗിഫ്റ്റ് ഹാംപറുകള്, കിറ്റെക്സ് നല്കുന്ന ബാഗുകള്, കാഫിന്റെ ഇലക്ട്രിക് ചിമ്മിനി, വണ്ടര്ല അമ്യൂസ്മെന്റ് പാര്ക്ക് സന്ദര്ശിക്കാനുള്ള എന്ട്രി പാസ്സുകള് എന്നിവയാണ് സമ്മാനങ്ങള്. ജോസ് ആലുക്കാസ്, മൊബൈല് കിങ്, ഗൃഹോപകരണ ഡീലര്മാരായ ബിസ്മി, ക്യുആര്എസ്, പിട്ടാപ്പിള്ളില് എന്നിവര് സ്പോണ്സര് ചെയ്തിരിക്കുന്ന ഡിസ്കൗണ്ട് വൗച്ചറുകളും നറുക്കെടുപ്പിലൂടെ തെരഞ്ഞെടുപ്പെടുന്ന ഭാഗ്യശാലികളെ കാത്തിരിക്കുന്നു.
ജികെഎസ്യുവിലൂടെ, ഓണത്തിനു പകരം പുതിയൊരു ഷോപ്പിങ് സീസണ് കൂടി അനേകം ഓഫറുകളുമായി എത്തിയിരിക്കുകയാണ്. ഇലക്ട്രോണിക് സാധനങ്ങള്, ഗൃഹോപകരണങ്ങള്, മൊബൈല് ഫോണുകള്, വസ്ത്രങ്ങള്, ആഭരണങ്ങള് തുടങ്ങിയവയെല്ലാം ഉപഭോക്താക്കളെ തേടിയെത്തുന്നു.
കേരളത്തിലെ മാധ്യമ കൂട്ടായ്മയാണ് ജികെഎസ്യു സംഘടിപ്പിക്കുന്നത്. ഓണം കഴിഞ്ഞാല് കേരളത്തിന്റെ രണ്ടാം ഷോപ്പിങ് സീസണാണ് നവംബര്-ഡിസംബര് കാലം. അതിന് ഉത്സവ ലഹരി പകരുകയാണ് ജികെഎസ്യു. ജിഎസ്ടി രജിസ്ട്രേഷന് ഉള്ള ഏതു കടയില് നിന്നും 1,000 രൂപയ്ക്കു മേല് സാധനങ്ങള് വാങ്ങുന്ന ഉപഭോക്താക്കള് 9995811111 എന്ന വാട്സ്ആപ് നമ്പറിലേക്ക് ജികെഎസ്യു എന്നു ടൈപ്പ് ചെയ്ത് അയയ്ക്കണം. അതിനു മറുപടിയായി ലഭിക്കുന്ന ഫോം പൂരിപ്പിച്ച് അയച്ചാല് നറുക്കെടുപ്പില് പങ്കാളിയാകും. നറുക്കെടുപ്പില് വിജയി ആകുമ്പോള് മാത്രം ബില്, ഫോട്ടോ ഐഡി കാര്ഡ്, മൊബൈലില് ലഭിച്ച സന്ദേശം എന്നിവയുമായി എത്തിയാല് മതി.
ഇന്ത്യയുടെ ചരിത്രത്തില് ആദ്യമായാണ് ഒരു സംസ്ഥാനത്തെ മാധ്യമങ്ങള് ഒരുമിച്ചുചേര്ന്ന് ഷോപ്പിങ് ഉത്സവം സംഘടിപ്പിക്കുന്നത്. അച്ചടി-ദൃശ്യ-ശ്രാവ്യ-നവ മാധ്യമങ്ങളെല്ലാം കൈകോര്ക്കുന്നതാണ് ജികെഎസ്യു.
