തിരുവനന്തപുരം: ബിജെപി സംസ്ഥാന ജനറല് സെക്രട്ടറി എ. എന്. രാധാകൃഷ്ണന് സെക്രട്ടേറിയറ്റിനു മുന്നില് നടത്തിവരുന്ന നിരാഹാര സമരം ഇന്ന് അഞ്ചാം ദിവസത്തിലേക്ക്. സാംസ്കാരിക നായകര് ഉള്പ്പെടെ നിരവധി പേര് അഭിവാദ്യമര്പ്പിച്ച് ഇന്നലെ സമരപന്തലില് എത്തി.
സാമൂഹിക സമത്വ മുന്നണി ചെയര്മാന് വിഷ്ണുപുരം ചന്ദ്രശേഖരന്, സ്വാതന്ത്ര്യ സമരസേനാനി അയ്യപ്പന്പിള്ള, സംവിധായകന് വിജി തമ്പി, തിരക്കഥാകൃത്ത് ശ്രീകുമാര് അരൂക്കുറ്റി, പദ്മശ്രീ ഡോ.സുന്ദര് മേനോന്, ബിജെപി ദേശീയ സെക്രട്ടറി എച്ച്. രാജ, സംസ്ഥാന പ്രസിഡന്റ് അഡ്വ. പി.എസ്. ശ്രീധരന്പിള്ള, ദേശീയനിര്വ്വാഹക സമിതി അംഗം പി.കെ.കൃഷ്ണദാസ് തുടങ്ങിയര് സമരപന്തലില് എത്തി.
ശബരിമല പ്രശ്നം ഗുരുതരമാക്കാനാണ് ജനവിരുദ്ധ പിണറായി സര്ക്കാര് ശ്രമിക്കുന്നതെന്ന് ബിജെപി സംസ്ഥാന പ്രസിഡന്റ് അഡ്വ. പി.എസ്. ശ്രീധന് പിള്ള പറഞ്ഞു. ശബരിമലയില് യുവതി പ്രവേശനത്തിനു വേണ്ടിയായതിനാലാണ് വനിതാ മതിലില് നിന്ന് പിന്മാറുന്നതെന്ന് വിഷ്ണുപുരം ചന്ദ്രശേഖരന് പറഞ്ഞു. ആദ്യംമുതല് സാമൂഹിക സമത്വ മുന്നണി ശബരിമല യുവതീ പ്രവേശനത്തിനെതിരാണെന്നും അദ്ദേഹം പറഞ്ഞു.
ബിജെപി സംസ്ഥാന വക്താവ് എം.എസ്. കുമാര് അധ്യക്ഷനായിരുന്നു. സംസ്ഥാന സെക്രട്ടറി വി.കെ. സജീവന്, തിരുവനന്തപുരം ജില്ലാ പ്രസിഡന്റ് അഡ്വ. എസ്. സുരേഷ്, ഇടുക്കി ജില്ലാ പ്രസിഡന്റ് ബിനു കൈമള്, അരുവിക്കര മണ്ഡലം അദ്ധ്യക്ഷന് മുളയറ രതീഷ്, മുക്കംപാലമൂട് ബിജു, ബിജു ബി.നായര് എന്നിവര് സംസാരിച്ചു.
