മയാമി: ഒടുവില് കാലിലെ പരിക്ക് മൂലം കളിയില് നിന്നും വിട്ടുനിന്ന ബ്രസീല് ഇതിഹാസ താരം നെയ്മര് മാര്ച്ച് 25ന് പുലര്ച്ചെ 3.30ന് നടക്കുന്ന കളിയില് ബ്രസീലിന് വേണ്ടി ഇറങ്ങു. സ്കോട്ട് ലാന്റിന്റെ അന്തകനാകാനാണ് നെയ്മര് എത്തുന്നതെന്നാണ് ആരാധകരുടെ വാദം.
ഗ്രൂപ്പ് സിയില് ഒന്നാമന്മാരായി അടുത്ത റൗണ്ടിലേക്ക് കടക്കണമെങ്കില് ബ്രസീലിന് സ്കോട്ട് ലാന്റിനെ തകര്ക്കണം. പക്ഷെ സ്കോട്ട് ലാന്റ് ആദ്യമത്സരത്തില് മൊറോക്കോയുമായി ഒരു ഗോളിന് തോറ്റിരുന്നു. മൊറോക്കോ ബ്രസീല് മത്സരം 1-1 സമനിലയില് കുരുങ്ങിയിരുന്നു. ഇതോടെ ബ്രസീലിന് സ്കോട്ട്ലാന്റുമായി ജയിച്ചേ പറ്റൂ.. അതുകൊണ്ടാണ് ബ്രസീല് കോച്ച് ആന്സലോട്ടി ഈ മത്സരത്തില് നെയ്മര് കളിക്കുമെന്ന പ്രസ്താവനയിറക്കിയത്. ഒരു മാനസിക യുദ്ധത്തിന്റെ ഭാഗമാണ് ആന്സലോട്ടിയുടെ ഈ പ്രഖ്യാപനം. പക്ഷെ 90 മിനിറ്റുനേരവും നെയ്മര് കളിക്കില്ല. പകരം ഏതെങ്കിലും കളിക്കാരന് ബദലായി ഇറങ്ങാനേ സാധ്യതയുള്ളൂ.
മികച്ച മിഡ് ഫീല്ഡറായ 34 കാരനായ നെയ്മര് ബ്രസീലിന് വേണ്ടി അവസാനമായി കളിച്ചത് 2023ലാണ്. അന്ന് യുറുഗ്വായുമായുള്ള മത്സരത്തില് നെയ്മറിന് കാല്മുട്ടിനാണ് പരിക്കേറ്റത്. സ്കോട്ട് ലാന്റുമായുള്ള മത്സരത്തില് ഗോള് നേടിയാല് നെയ്മര് നാല് ലോകകപ്പുകളില് ഗോള് നേടുന്ന താരമായി മാറും. ആകെ എട്ട് ഗോളുകളാണ് ഇതുവരെ ലോകകപ്പില് നെയ്മര് നേടിയത്. ബ്രസീലിന് വേണ്ടി ലോകകപ്പില് 15 ഗോള് നേടിയ റൊണാള്ഡോയുടെ പേരിലാണ് ഏററവും കൂടുതല് ഗോളുകള് നേടിയ ബ്രസീലിയന് താരം എന്ന റെക്കോഡ്.
വിംഗര് റഫീനയും നെയ്മറും തമ്മിലുള്ള കോമ്പോ കാണാനാണ് ഫുട്ബാള് ആരാധകര് അക്ഷമയോടെ കാത്തിരിക്കുന്നത്. ബ്രസീലിന് അടുത്ത റൗണ്ടില് കടക്കാന് സ്കോട്ട് ലാന്റിനെതിരെ ഒരു സമനില മാത്രം മതി. നേരത്തെ ഹെയ്തിയെ ബ്രസീല് 3-0ന് തോല്പിച്ചിരുന്നു.
