ഇരിട്ടി: ഇരിട്ടി നഗരസഭാ ആരോഗ്യ വകുപ്പിന്റെ നേതൃത്വത്തില് ഇരിട്ടി ടൗണിലും പരിസരപ്രദേശങ്ങളിലും നടത്തിയ പരിശോധനയില് പഴകിയ ഭക്ഷ്യസാധനങ്ങള് പിടികൂടി. 9 കടകളില്നിന്നാണ് പഴകിയ ഭക്ഷ്യ സാധനങ്ങള് പിടികൂടിയത്. ഇരിട്ടി ടൗണ്, പയഞ്ചേരി, ഇരുപത്തിയൊന്നാം മയില്, ചാവശ്ശേരി, പത്തൊമ്പതാം മൈല്, നടുവനാട് എന്നിവിടങ്ങളിലെ ഹോട്ടലുകള്, തട്ടുകട എന്നിവിടങ്ങളില് നിന്നായി പഴകിയ ചോറ്, പൊറോട്ട, ഫ്രൈഡ് റൈസ്, ചപ്പാത്തി, ബീഫ്, മീന് കറി, മസാലകറികള് തുടങ്ങി വിവിധ ഭക്ഷ്യ സാധനങ്ങളാണ് അധികൃതര് പിടികൂടിയത്. നഗരസഭ ഹെല്ത്ത് ഇന്സ്പെക്ടര് കെ.കെ. കുഞ്ഞിരാമന്, ജെഎച്ച്ഐ മാരായ ടി.പി.അജയകുമാര്, എ.കെ.അജേഷ്, എം.ജി.അനിത തുടങ്ങിയവര് പരിശോധനയില് പങ്കെടുത്തു. ഇത്തരം ഹോട്ടലുകള്ക്കെതിരെ കര്ശന നടപടികളുമായി മുന്നോട്ട് പോകുമെന്ന് നഗരസഭ ആരോഗ്യ വകുപ്പ് അധികൃതര് പറഞ്ഞു.
ഹോട്ടലുകളില് മിന്നല്പരിശോധന: പഴകിയ ഭക്ഷ്യവസ്തുക്കള് പിടികൂടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.