കണ്ണൂര്: കണ്ണൂര് വിമാനത്താവളത്തെ കണ്ണൂര് നഗരവുമായി ബന്ധിപ്പിക്കുന്ന കെഎസ്ആര്ടിസി ബസ് സര്വീസ് വിമാനത്താവളത്തില് കിയാല് എംഡി വി.തുളസീദാസ് ഫഌഗ് ഓഫ് ചെയ്തു. രാവിലെ കണ്ണൂരില്നിന്ന് മട്ടന്നൂര് വഴി വിമാനത്താവളത്തിലേക്കും തിരിച്ച് വിമാനത്താവളത്തില്നിന്ന് തലശ്ശേരി വഴി കണ്ണൂരിലേക്കുമാണ് സര്വീസ്. രാവിലെ 8.30ന് കണ്ണൂരില്നിന്ന് ആരംഭിക്കുന്ന ബസ് 9.30ന് മട്ടന്നൂര് ബസ് സ്റ്റാന്റിലും 9.55ന് വിമാനത്താവളത്തിലുമെത്തും. 10 മണിക്ക് വിമാനത്താവളത്തില്നിന്ന് തിരിച്ച് 11.15ന് തലശ്ശേരിയിലും 12.25ന് കണ്ണൂരിലുമെത്തും. ഉച്ച 2.30ന് കണ്ണൂരില്നിന്ന് തുടങ്ങി നാലിന് ഇരിട്ടിയിലെത്തുന്ന ബസ് അഞ്ച് മണിക്ക് വിമാനത്താവളത്തിലെത്തും. തിരികെ 5.20ന് വിമാനത്താവളത്തില്നിന്ന് തുടങ്ങി 6.40ന് കണ്ണൂരിലെത്തുന്ന വിധത്തിലാണ് ഷെഡ്യൂള്. 40 സീറ്റുള്ള ജന്റം ലോ ഫ്ളോര് ബസാണ് സര്വീസ് നടത്തുന്നത്. കിയാല് ജീവനക്കാരെ ഉദ്ദേശിച്ചാണ് ഈ സര്വീസ്. വിമാനത്താവളം പ്രവര്ത്തനം തുടങ്ങിയാല് കെഎസ്ആര്ടിസി കൂടുതല് സര്വീസുകള് തുടങ്ങും.
ഫഌഗ് ഓഫ് ചടങ്ങില് മട്ടന്നൂര് നഗരസഭാ ചെയര്പേഴ്സന് പി.അനിത വേണു, കീഴല്ലൂര് ഗ്രാമപഞ്ചായത്ത് പ്രസിഡന്റ് എം.രാജന്, മട്ടന്നൂര് നഗരസഭാ മുന് ചെയര്മാന് കെ.ഭാസ്കരന് മാസ്റ്റര്, കെ.എ.ഗംഗാധരന്, കെഎസ്ആര്ടിസി ഡി.ടി.ഒ കെ.പ്രദീപന്, കിയാല് ഉദ്യോഗസ്ഥര് തുടങ്ങിയവര് പങ്കെടുത്തു.
