കൊട്ടാരക്കര: പിണറായി വിജയൻ മന്ത്രിസഭ സ്റ്റാൻലിനിസ്റ്റ് ഭരണരീതിയുടെ പിന്തുടർച്ചയെന്ന് ശബരിമല കർമ്മസമിതി കൺവീനർ ഇ.എസ്. ബിജു.
ശബരിമലയുടെ ആചാരവും വിശ്വാസവും സംരക്ഷിക്കാൻ ശ്രമിച്ചതിന് കള്ളക്കേസ് ചുമത്തി ജയിലിലടച്ച കെ. സുരേന്ദ്രനെ കൊട്ടാരക്കര സബ് ജയിലിലെത്തി സന്ദർശിച്ചതിന് ശേഷം സംസാരിക്കുകയായിരുന്നു അദ്ദേഹം.
പിണറായി ഭരണം ജനാധിപത്യ പ്രക്രിയയേയും, നീതിന്യായ വ്യവസ്ഥയേയും അട്ടിമറിക്കുകയാണ്. മാധ്യമങ്ങളെയും പ്രതിപക്ഷ പ്രസ്ഥാനങ്ങളെയും നോക്കുകുത്തിയാക്കി, ഏകാധിപത്യ ഭരണത്തിനാണ് പിണറായി വിജയൻ നേതൃത്വം നൽകുന്നത്. കർമ്മസമിതി നേതാക്കളായ തെക്കടം സുദർശനൻ, സുശികുമാർ, മഞ്ഞപ്പാറ സുരേഷ്, പ്രൊഫ: ഹരിലാൽ, സന്തോഷ് കൊട്ടാരക്കര എന്നിവരും ബിജുവിനൊപ്പം ഉണ്ടായിരുന്നു.
