കണ്ണൂര്: അഴീക്കോട് ഹയര് സെക്കണ്ടറി സ്കൂള് ഫൈന് ആര്ട്സ് ക്ലബിന്റെ നേതൃത്വത്തില് കുട്ടികളുടെ ചിത്രപ്രദര്ശനം കളര് ലാംപ് സംഘടിപ്പിക്കുന്നു. കേരളപ്പിറവിയുടെ 62-ാം വാര്ഷികത്തിന്റെ ഭാഗമായി 62 കുട്ടികള് വരച്ച ചിത്രപ്രദര്ശനവും വില്പനയും ആണ് 24 ന് മോഹന് ചാലാട് ആര്ട്ട് ഗ്യാലറിയില് നടക്കുക. 24 മുതല് 30 വരെയാണ് പ്രദര്ശനം നടക്കുകയെന്ന് സംഘാടകര് വാര്ത്താ സമ്മേളനത്തില് പറഞ്ഞു. 24 ന് 12 മണിക്ക് സംസ്ഥാന വിദ്യാഭ്യാസ ഡയറക്ടര് ഡോ.കെ.വി.മോഹന് കുമാര് കളര് ലാംപ് ഉദ്ഘാടനം ചെയ്യും. സ്കൂളിലെ അഞ്ചാം തരം മുതല് പ്ലസ്ടു വരെയുള്ള കുട്ടികളുടെ ചിത്രമാണ് പ്രദര്ശിപ്പിക്കുക. 62 കുട്ടികളുടെയും പ്രഥമ ചിത്രപ്രദര്ശനമാണിതെന്ന പ്രത്യേകതയും ഇതിനുണ്ട്. ചടങ്ങില് കേരള ലളിത കലാ അക്കാദമി എക്സിക്യൂട്ടീവ് അംഗം എബി എന് ജോസഫ് കുട്ടികളുടെ ചിത്രപ്രദര്ശനത്തിന്റെ ആനുകാലിക പ്രസക്തി എന്ന വിഷയത്തില് പ്രഭാഷണം നടത്തും. വാര്ത്താ സമ്മേളനത്തില് കണ്ണൂര് ഡിഡിഇ ടി.പി.നിര്മ്മലാദേവി, പി.ധര്മ്മന്, എം.കെ.ഗീത, എന്.ലസിത, രാജീവന് പാറയില് എന്നിവര് പങ്കെടുത്തു.
കുട്ടികളുടെ ചിത്ര പ്രദര്ശനം ഇന്ന് മുതല്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.