കോഴിക്കോട്: ശബരിമല യുവതീപ്രവേശ വിധി നടപ്പാക്കണമെന്ന മുഖ്യമന്ത്രി പിണറായി വിജയന്റെ നിലപാട് ന്യൂനപക്ഷ വിഭാഗങ്ങളുടെ വോട്ട് ലക്ഷ്യമിട്ടാണെന്ന് കെപിസിസി വര്ക്കിങ് പ്രസിഡന്റ്കെ. സുധാകരന്. മുഖ്യമന്ത്രിക്ക് ഒരു അജണ്ടയുണ്ട്. ന്യൂനപക്ഷ വോട്ട് ബാങ്കില് ആണ് പിണറായിയുടെ കണ്ണെന്നും അദ്ദേഹം ആരോപിച്ചു.
നവോത്ഥാനനായകരുടെ പ്രതിപുരുഷനാകാനാണ് മുഖ്യമന്ത്രി ശ്രമിക്കുന്നത്. ഉടന് സര്വ്വകക്ഷിയോഗം വിളിക്കണം. ദേവസ്വം വകുപ്പ് മന്ത്രിയേയും ബോര്ഡ് പ്രസിഡന്രിനേയും സ്വതന്ത്രമായി പ്രവര്ത്തിക്കാന് അനുവാദിക്കണം. ശബരിമലയില് ഭക്തര്ക്ക് ചരിത്രത്തിലില്ലാത്ത നിയന്ത്രണങ്ങളാണ് ഏര്പ്പെടുത്തിയിരിക്കുന്നതെന്നും അദ്ദേഹം കുറ്റപ്പെടുത്തി.
എന്എസ്എസ് ഓഫീസുകള്ക്ക് നേരെ അക്രമം നടത്തുന്നത് സിപിഎമ്മുകാരാണ്. ശബരിമല യുവതീപ്രവേശവിധിയുമായി ബന്ധപ്പെട്ട് എന്എസ്എസ് നടത്തുന്ന പ്രതിഷേധങ്ങളാണ് അക്രമങ്ങള്ക്ക് കാരണമെന്നും അദ്ദേഹം കൂട്ടിച്ചേര്ത്തു.
