കോഴിക്കോട്: യോഗ്യതകളില് മാറ്റം വരുത്തി ചട്ടങ്ങള് ലംഘിച്ച് മന്ത്രി കെ.ടി.ജലീലിന്റെ ബന്ധുവിന് നിയമനം.മന്ത്രി ജലീലിന്റെ പിതൃ സഹോദര പുത്രന് അദീബ് കെ.ടി.യാണ് കേരള സ്റ്റേറ്റ് മൈനോറിറ്റി ഡവലപ്മെന്റ് ഫിനാന്സ് കോര്പ്പറേഷന്റെ ജനറല് മാനേജരായാണ് നിയമിക്കപ്പെട്ടിരിക്കുന്നത്.
സൗത്ത് ഇന്ത്യന് ബാങ്കിലെ മാനേജരായ ബന്ധുവിനെ നിയമിക്കാന്തസ്തികയിലേക്കുള്ള വിദ്യാഭ്യാസ യോഗ്യതയടക്കം സര്ക്കാര് വിജ്ഞാപനത്തിലൂടെ മാറ്റംവരുത്തുകയായിരുന്നു. 2018 ഒക്ടോബര് 8 ന് ഇറങ്ങിയ പൊതുഭരണവകുപ്പിലെ ഉത്തരവിലാണ് മന്ത്രി ബന്ധുവിന് നേരിട്ട് നിയമനംനല്കിയിരിക്കുന്നത്.
2016 ആഗസ്റ്റ് 18 ന് ഈ തസ്തികയ്ക്ക് വേണ്ടി പുതിയ വിജ്ഞാപനപ്രകാരംഇന്റര്വ്യൂ നടത്തിയെങ്കിലും ഇ.പി. ജയരാജന്റെ ബന്ധു നിയമനവിവാദംകൊടുമ്പിരികൊണ്ടതിനാല് മന്ത്രി ബന്ധു ഇന്റര്വ്യൂവില് പങ്കെടുത്തില്ല. ഡെപ്യൂട്ടേഷന് വ്യവസ്ഥയില് നിയമനം നടത്തുന്ന തസ്തികയിലേക്ക് സ്വജനപക്ഷപാതത്തിലുടെ നിയമനം നല്കിയിരിക്കുകയാണെന്ന് യൂത്ത് ലീഗ് സംസ്ഥാന ജനറല് സെക്രട്ടറി പി.കെ. ഫിറോസ് വാര്ത്താ സമ്മേളനത്തില് അരോപിച്ചു. ഇതിനെതിരെ വിജിലന്സില് പരാതി നല്കുമെന്നും സത്യപ്രതിജ്ഞാ ലംഘനം നടത്തി മന്ത്രി രാജിവെക്കണമെന്നും യൂത്ത് ലീഗ് ആവശ്യപ്പെട്ടു.
