തിരുവനന്തപുരം: സിഐടിയു മുൻ സംസ്ഥാന ജനറൽ സെക്രട്ടറിയും മുതിർന്ന സിപിഎം നേതാവുമായ എം എം ലോറൻസിന്റെ ചെറുമകൻ ഇമ്മാനുവൽ മിലൻ ജോസഫ് ബിജെപി സമര പന്തലിൽ. അയ്യപ്പന്മാരെ വേട്ടയാടുന്ന പിണറായി സർക്കാരിന്റെ നയത്തിനെതിരെ ബിജെപി സംസ്ഥാന അധ്യക്ഷൻ അഡ്വ പി എസ് ശ്രീധരൻ പിള്ള ഡിജിപി ഓഫീസിന് മുൻപിൽ നടത്തുന്ന ഏകദിന ഉപവാസ സമരത്തിന് ഐക്യദാർഢ്യം പ്രഖ്യാപിക്കാനാണ് ഇമ്മാനുവൽ മിലൻ എത്തിയത്.
തന്നെ അമ്മയാണ് സമരപന്തലില് കൊണ്ടാക്കിയതെന്നും സ്വന്തം ഇഷ്ടപ്രകാരമാണ് വന്നതെന്നും മിലന് പ്രതികരിച്ചു. പ്ലസ് ടു വിദ്യാര്ത്ഥായിയ തനിക്ക് ശബരിമലയിലെ പോലീസ് നടപടിയില് വേദനയുണ്ടെന്നും മിലന് പറഞ്ഞു. സിപിഎമ്മിലെ ഏറ്റവും മുതിര്ന്ന നേതാവാണ് ലോറന്സ്. മുഖ്യമന്ത്രി പിണറായി വിജയനുമായി ഏറെ അടുപ്പമുള്ള നേതാവും കൂടിയാണ്..
രാവിലെ 10 മുതല് വൈകിട്ട് 4 വരെയാണ് ശ്രീധരന്പിള്ള ഉപവാസം നടത്തുന്നത്. മറ്റ് ജില്ലകളില് എസ്പി ഓഫീസിനു മുന്നിലേക്ക് മാര്ച്ചും സംഘടിപ്പിച്ചിട്ടുണ്ട്. യാതൊരു വിട്ടുവീഴ്ചയുമില്ലാതെ ശക്തമായ സമരപരിപാടികളുമായി മുന്നോട്ട് പോകാനാണ് ബിജെപിയുടെ തീരുമാനം.
