സന്നിധാനം: മാളികപ്പുറം മേല്ശാന്തി അനീഷ് നമ്പൂതിരിക്ക് ഭീഷണി സന്ദേശം. ഫോണിലൂടെയും കത്ത് മുഖേനയുമാണ് ഭീഷണി സന്ദേശം ലഭിച്ചത്. അനീഷിന്റെ പരാതിയെ തുടര്ന്ന് സന്നിധാനം പൊലീസ് കേസെടുത്തു.ഭീഷണിക്കത്ത് പോലീസിന് കൈമാറിയിട്ടുണ്ട്.
നിരവധി അശ്ലീലപ്രയോഗങ്ങളും ഈ കത്തിലുണ്ട്. ശബരിമലയില് യുവതികള് പ്രവേശിക്കുന്നതിനെതിരെ നടത്തിയ പ്രതിഷേധ സമരത്തോട് അനീഷ് നമ്പൂതിരി അനുകൂല നിലപാടാണ് സ്വീകരിച്ചത്. പരികര്മികള് നാമജപം നടത്തിയത് തെറ്റല്ലെന്നും അത് പ്രോത്സാഹിപ്പിക്കപ്പെടേണ്ടതാണെന്നും അനീഷ് നമ്പൂതിരി പറഞ്ഞിരുന്നു.
തന്റെ ഈ നിലപാടുകളായിരിക്കാം ഭീഷണി സന്ദേശത്തിന് പിന്നിലെന്ന് അനീഷ് മാധ്യമങ്ങളോട് പറഞ്ഞു.
