മുംബൈ: ശബരിമല ദര്ശനത്തിന് എത്തുമെന്ന് പ്രഖ്യാപിച്ച സാമൂഹ്യ പ്രവര്ത്തക തൃപ്തി ദേശായി മഹാരാഷ്ട്ര പോലീസിന്റെ കരുതല് തടങ്കലില്. പ്രധാനമന്ത്രിയുടെ ഷിര്ദി ക്ഷേത്ര ദര്ശനത്തില് കലാപം സൃഷ്ടിക്കുമെന്ന സൂചനയെത്തുടര്ന്നാണ് മഹാരാഷ്ട്രാ പോലീസിന്റെ നടപടി.
ഷിര്ദി ക്ഷേത്രത്തിലെത്തുന്ന പ്രധാനമന്ത്രിയുമായി കൂടിക്കാഴ്ച നടത്തണമെന്ന ആവശ്യമുന്നയിച്ച് അഹമ്മദ്നഗര് എസ്പിക്ക് ഇവര് കത്തയച്ചിരുന്നു. ശബരിമല വിഷയം സംസാരിക്കാനാണ് അനുമതി തേടിയിരുന്നത്. കൂടിക്കാഴ്ചയ്ക്ക് സമ്മതിച്ചില്ലെങ്കില് പ്രധാനമന്ത്രിയെ വഴിയില് തടയുമെന്നും കത്തില് വ്യക്തമാക്കിയിരുന്നു. ഇതിന് പിന്നാലെയാണ് ഇവരെ കസ്റ്റഡിയിലെടുത്തത്.
തൃപ്തി ദേശായി ഇന്നലെ ശബരിമലയില് എത്തുമെന്നായിരുന്നു കരുതിയിരുന്നത് അതിനിടെയാണ് അറസ്റ്റ് വാര്ത്ത പുറത്ത് വന്നത്.
