പത്തനംതിട്ട: ശബരിമല സംരക്ഷണ സമരത്തിന്റെ രണ്ടാം ഘട്ടത്തിന്റെ ഭാഗമായി ബിജെപി സംസ്ഥാന പ്രസിഡന്റ് പി.എസ് ശ്രീധരന്പിള്ളയുടെ ഉപവാസം നിലയ്ക്കലില് ആരംഭിച്ചു. ബിജെപി സംസ്ഥാന അദ്ധ്യക്ഷനൊടൊപ്പം പാര്ട്ടിയുടെ ആയിരക്കണക്കിന് പ്രവര്ത്തരും, അനുഭാവികളും ഉപവാസത്തില് പങ്കുചേരുന്നുണ്ട്.
ഒന്നാം ഘട്ടമായ ശബരിമല സംരക്ഷണ യാത്രയുടെ വമ്പിച്ച വിജയത്തെ തുടര്ന്നാണ് ബിജെപി രണ്ടാംഘട്ടത്തിലേക്ക് കടന്നിരിക്കുന്നത്. ശബരിമല കര്മ്മ സമിതിയുടെ നേതൃത്വത്തില് നിലയ്ക്കല് ഏരുമേലി എന്നിവിടങ്ങളില് നടക്കുന്ന സ്ത്രീകളുടെ നാമജപയജ്ഞവും ആരംഭിച്ചു. ഇതില് ബിജെപിയുടെ വനിതാ നേതാക്കള് പങ്കെടുക്കുന്നു.
തുലാമാസ പൂജയ്ക്കായി നടതുറക്കുമ്പോള് വിശ്വാസികളുടെ ഭാഗത്ത് നിന്നുണ്ടാവുന്ന പ്രക്ഷ്ബുധമായ പ്രതികരണങ്ങളുടെ പശ്ചാത്തലത്തില് പാര്ട്ടിയുടെ നാല് ജനറല് സെക്രട്ടറിമാരുടെ നേതൃത്വത്തിലുള്ള ഒരു സംഘം സന്നിധാനമുള്പ്പെടെയുള്ള ഇടങ്ങളില് സന്ദര്ശനം നടത്തും. ഒക്ടോബര് 23 മുതല് 30 വരെ എല്ലാ പഞ്ചായത്ത് കേന്ദ്രങ്ങളിലും, സത്യാഗ്രഹ സഭകള് സംഘടിപ്പിക്കും. നവംബര് മാസത്തില് എല്ലാ ജില്ലാകളിലും ശബരിമല സംരക്ഷണ യാത്രകള് സംഘടിപ്പിക്കാനും തീരുമാനിച്ചിട്ടുണ്ട്.
