പത്തനംതിട്ട: രണ്ട് ബറ്റാലിയന് വനിതാ പോലീസിനെ പമ്പയിലും നിലയ്ക്കലിലും നിയോഗിക്കും. ഇന്ന് വൈകുന്നേരം തന്നെ കൂടുതല് വനിതാ പോലീസ് സംഘമെത്തും. പത്തനംതിട്ടയില് പട്രോളിംഗിനായി പ്രത്യേക സംഘമെത്തും. ശബരിമലയിലേയ്ക്ക് എത്തുന്ന എല്ലാ യുവതികളുടെയും സുരക്ഷ സംബന്ധിച്ച് ക്രമസമാധാന പ്രശ്നമുണ്ടായാല് സര്ക്കാര് ഇടപെടുമെന്ന് ദേവസ്വം മന്ത്രി കടകംപള്ളി സുരേന്ദ്രന് അറിയിച്ചു..
ശബരിമലയില് യുവതികള് എത്തിയാല് അവര്ക്ക് നല്കേണ്ട സുരക്ഷയുടെ കാര്യം സര്ക്കാര് ആലോചിക്കുമെന്നും ആര്എസ്എസും ബിജെപിയും ആണ് യുവതികളെ തടയുന്നതെന്നും അവര് ഗുണ്ടായിസമാണ് നടത്തുന്നതെന്നും മന്ത്രി പറയുന്നു. ഇത്തരത്തിലുള്ള പ്രതിഷേധങ്ങള് ക്രമസമാധാന പ്രശ്നത്തിലേക്ക് കടന്നാല് സര്ക്കാര് ശക്തമായി നേരിടുമെന്നും മന്ത്രി കൂട്ടിച്ചേര്ത്തു.
എന്നാല് ഏതെങ്കിലും സംഘടനയുടെ ആഭിമുഖ്യത്തിലല്ല തടയല്. ശബരിമലയിലേക്ക് വാര്ത്ത റിപ്പോര്ട്ട് ചെയ്യാനെന്ന പേരില് പോയ യുവതികളെയാണ് അയ്യപ്പ വിശ്വാസികളായ സ്ത്രീകള് തടഞ്ഞത്. സ്വകാര്യ വാഹനങ്ങള്ക്ക് വിലക്കുണ്ടായിട്ടും കടന്നു പോകാന് ശ്രമിച്ചവരെയാണ് തടഞ്ഞത്. അതിനിടെ, കെഎസ്ആര്ടിസി ബസില് സഞ്ചരിച്ച് പമ്പയിലെത്താന് ചില യുവതികളെ ബസില്നിന്ന് ഇറക്കിവിട്ടു. ഇവര് മാധ്യമ പ്രവര്തകരാണെന്ന് അവകാശപ്പെട്ടെങ്കിലും വിശ്വാസികള് അനുവദിച്ചില്ല.
