തിരുവനന്തപുരം: ശബരിമലയില് യുവതി പ്രവേശനവുമായി ബന്ധപ്പെട്ട് സര്ക്കാരിന് 24 മണിക്കൂര് കൂടി അനുവദിക്കുമെന്ന് ബിജെപി സംസ്ഥാന അധ്യക്ഷന് പി.എസ്.ശ്രീധരന് പിള്ള. തീരുമാനം മാറ്റിയില്ലെയില് ശക്തമായ സമരം നേരിടേണ്ടി വരുമെന്നും അദ്ദേഹം പറഞ്ഞു. സര്ക്കാര് തന്ത്രി കുടുംബവുമായി നടത്തുന്ന ചര്ച്ചയില് വിശ്വാസമില്ലെന്നും. നട തുറക്കുന്ന 18 ന് ശബരിമലയില് വിശ്വാസികള് എന്ത് നിലപാട് സ്വീകരിച്ചാലും ബിജെപി പിന്തുണയ്ക്കുമെന്നും ശ്രീധരന് പിള്ള പറഞ്ഞു.
അതേസമയം എന്ഡിഎ നയിക്കുന്ന ശബരിമല സംരക്ഷണ യാത്ര ഇന്ന് സമാപിക്കും. രാവിലെ 10.30 ന് പട്ടത്ത് നിന്നാരംഭിക്കുന്ന യാത്ര സെക്രട്ടേറിയറ്റ് നടയില് സമാപിക്കും. ബിജെപി അഖിലേന്ത്യാ ജനറല് സെക്രട്ടറി മുരളീധര് റാവുവും കര്ണാടകയില് നിന്നുള്ള ആറ് എംഎല്എമാരും സമാപനയാത്രയില് പങ്കെടുക്കുമെന്ന് ബിജെപി സംസ്ഥാന വക്താവ് എം.എസ്. കുമാര് അറിയിച്ചു.
പ്രതിഷേധത്തിന്റെ രണ്ടാംഘട്ടമായി 17 ന് വൈകിട്ട് പത്തനംതിട്ടയില് വിശ്വാസി സംഗമം സംഘടിപ്പിക്കും. ബിജെപി സംസ്ഥാന അധ്യക്ഷന് പി.എസ്.ശ്രീധരന്പിള്ള നേതൃത്വം നല്കും. ശബരിമലയില് സംഘര്ഷമുണ്ടാവരുതെന്ന് ആഗ്രഹമുള്ളതുകൊണ്ട് തീര്ഥാടനകാലത്ത് നാല് പാര്ട്ടി ജനറല് സെക്രട്ടറിമാരെ പമ്പയിലും സന്നിധാനത്തും നിയോഗിക്കാനും തീരുമാനിച്ചു.
