തിരുവനന്തപുരം: ശബരിമല വിഷയത്തില് ഇടപെടണമെന്ന് ക്ഷത്രിയ ക്ഷേമസഭ ഗവര്ണറോട് ആവശ്യപ്പെട്ടു. ശബരിമല സ്ത്രീപ്രവേശന വിഷയത്തില് സംസ്ഥാന സര്ക്കാരിനോടും ദേവസ്വം ബോര്ഡിനോടും വിശദീകരണം തേടണമെന്ന് അഭ്യര്ഥിച്ചുകൊണ്ടുള്ള നിവേദനം ക്ഷേമസഭ നേതൃത്വം ഗവര്ണര്ക്ക് സമര്പ്പിച്ചു. സ്ത്രീ പ്രവേശനത്തിന് മുന്പ് ശബരിമലയില് അടിസ്ഥാനസൗകര്യം വിപുലപ്പെടുത്തേണ്ടതുണ്ടെന്ന് ഗവര്ണര് അഭിപ്രായപ്പെട്ടു.
സര്ക്കാര് പുനഃപരിശോധനാ ഹര്ജി നല്കണമെന്നും ശബരിമലയില് സ്ത്രീകള് ഇപ്പോള് എത്തിയാലുളള ബുദ്ധിമുട്ടുകള് ഹര്ജിയില് വിവരിക്കണമെന്നും ക്ഷത്രിയ ക്ഷേമസഭ നിവേദനത്തില് ആവശ്യപ്പെട്ടു.
